اقمولا وبلىسىندا 310 ادام كاسىپتىك وقىتۋدان ءوتتى

245
Adyrna.kz Telegram
https://www.adyrna.kz/storage/uploads/U34p1xsfuTptIN1clnkYUySQ8gFlYxvFoPRds0X8.jpg

ەڭبەك نارىعىندا سۇرانىسقا يە ماماندىقتى مەڭگەرۋ – تۇراقتى جۇمىسقا ورنالاسۋدىڭ ءبىر جولى. اسىرەسە كاسىبىن اۋىستىرعىسى كەلەتىن نەمەسە جاڭا داعدىلاردى يگەرۋدى كوزدەيتىن ازاماتتار ءۇشىن قىسقا مەرزىمدى كاسىپتىك وقىتۋدىڭ ماڭىزى زور. اقمولا وبلىسىندا بيىل وسى باعىتتا جوسپارلانعان كورسەتكىش ارتىعىمەن ورىندالدى، دەپ حابارلايدى Adyrna ءتىلشىسى.

اقمولا وبلىسىنىڭ جۇمىسپەن قامتۋدى جانە الەۋمەتتىك باعدارلامالاردى ۇيلەستىرۋ باسقارماسىنىڭ مالىمەتىنشە، 2026 جىلى قىسقا مەرزىمدى كاسىپتىك وقىتۋعا 300 ادامدى قامتۋ جوسپارلانعان. الايدا 1 قاراشاداعى جاعداي بويىنشا 310 ادام وقۋدان ءوتىپ، جىلدىق جوسپار 103 پايىزعا ورىندالدى.

«بۇل باستاما «2024-2029 جىلدارعا ارنالعان ەڭبەك نارىعىن دامىتۋ» تۇجىرىمداماسى اياسىندا جۇزەگە اسىرىلىپ جاتىر. ونىڭ نەگىزگى ماقساتى – ازاماتتاردىڭ كاسىبي بىلىكتىلىگىن ارتتىرۋ جانە ەڭبەك نارىعىنداعى سۇرانىسقا ساي ماماندار دايارلاۋ. كاسىپتىك وقىتۋدىڭ ەرەكشەلىگى – ازاماتتاردىڭ جاڭا داعدىلاردى قىسقا مەرزىمدە مەڭگەرۋىنە مۇمكىندىك بەرۋ. بۇل اسىرەسە تۇراقتى جۇمىسى جوق، كاسىبي باعىتىن وزگەرتكىسى كەلەتىن نەمەسە ەڭبەك نارىعىندا باسەكەگە قابىلەتتىلىگىن ارتتىرۋدى كوزدەيتىن ادامدار ءۇشىن ماڭىزدى»، – دەپ ءتۇسىندىردى باسقارمادان.

سونىمەن قاتار وڭىردە جۇمىسپەن قامتۋدىڭ وزگە دە بەلسەندى شارالارى قولعا الىنعان. 2026 جىلعى 1 قاراشاعا دەيىن 2 155 ادام وسىنداي باعدارلامالارمەن قامتىلدى. ونىڭ ىشىندە 1 201 ادام قوعامدىق جۇمىستارعا، 425 ادام جاستار پراكتيكاسىنا، 245 ادام «كۇمىس جاس» جوباسىنا قاتىسقان.

كاسىپتىك دايارلاۋ جۇمىسپەن قامتۋ شارالارىمەن قاتار جۇرگىزىلگەندە عانا ناقتى ناتيجە بەرەدى. ويتكەنى جاڭا ماماندىقتى مەڭگەرگەن ازامات ءۇشىن ءبىلىمىن ءىس جۇزىندە قولداناتىن جۇمىس ورنى بولۋى ماڭىزدى. ال جۇمىس بەرۋشىلەر ءۇشىن كاسىبي دايارلىعى بار مامانداردى تابۋ ءوندىرىستىڭ تۇراقتىلىعىنا ىقپال ەتەدى.

«سوندىقتان قىسقا مەرزىمدى وقىتۋ تەك جاڭا كاسىپ ۇيرەتۋمەن شەكتەلمەي، ازاماتتاردىڭ ەڭبەك نارىعىنا قايتا ورالۋىنا جانە تۇراقتى تابىس تابۋىنا جول اشاتىن قۇرال رەتىندە قاراستىرىلادى»، – دەپ تولىقتىردى ۆەدومستۆودان.

پىكىرلەر