Eŋbek naryǧynda sūranysqa ie mamandyqty meŋgeru – tūraqty jūmysqa ornalasudyŋ bır joly. Äsırese käsıbın auystyrǧysy keletın nemese jaŋa daǧdylardy igerudı közdeitın azamattar üşın qysqa merzımdı käsıptık oqytudyŋ maŋyzy zor. Aqmola oblysynda biyl osy baǧytta josparlanǧan körsetkış artyǧymen oryndaldy, dep habarlaidy Adyrna tılşısı.
Aqmola oblysynyŋ jūmyspen qamtudy jäne äleumettık baǧdarlamalardy üilestıru basqarmasynyŋ mälımetınşe, 2026 jyly qysqa merzımdı käsıptık oqytuǧa 300 adamdy qamtu josparlanǧan. Alaida 1 qaraşadaǧy jaǧdai boiynşa 310 adam oqudan ötıp, jyldyq jospar 103 paiyzǧa oryndaldy.
«Būl bastama «2024-2029 jyldarǧa arnalǧan eŋbek naryǧyn damytu» tūjyrymdamasy aiasynda jüzege asyrylyp jatyr. Onyŋ negızgı maqsaty – azamattardyŋ käsıbi bılıktılıgın arttyru jäne eŋbek naryǧyndaǧy sūranysqa sai mamandar daiarlau. Käsıptık oqytudyŋ erekşelıgı – azamattardyŋ jaŋa daǧdylardy qysqa merzımde meŋgeruıne mümkındık beru. Būl äsırese tūraqty jūmysy joq, käsıbi baǧytyn özgertkısı keletın nemese eŋbek naryǧynda bäsekege qabılettılıgın arttyrudy közdeitın adamdar üşın maŋyzdy», – dep tüsındırdı basqarmadan.
Sonymen qatar öŋırde jūmyspen qamtudyŋ özge de belsendı şaralary qolǧa alynǧan. 2026 jylǧy 1 qaraşaǧa deiın 2 155 adam osyndai baǧdarlamalarmen qamtyldy. Onyŋ ışınde 1 201 adam qoǧamdyq jūmystarǧa, 425 adam jastar praktikasyna, 245 adam «Kümıs jas» jobasyna qatysqan.
Käsıptık daiarlau jūmyspen qamtu şaralarymen qatar jürgızılgende ǧana naqty nätije beredı. Öitkenı jaŋa mamandyqty meŋgergen azamat üşın bılımın ıs jüzınde qoldanatyn jūmys orny boluy maŋyzdy. Al jūmys beruşıler üşın käsıbi daiarlyǧy bar mamandardy tabu öndırıstıŋ tūraqtylyǧyna yqpal etedı.
«Sondyqtan qysqa merzımdı oqytu tek jaŋa käsıp üiretumen şektelmei, azamattardyŋ eŋbek naryǧyna qaita oraluyna jäne tūraqty tabys tabuyna jol aşatyn qūral retınde qarastyrylady», – dep tolyqtyrdy vedomstvodan.
