رەسەيدىڭ تۋلا قالاسىندا عىلىمي-وندىرىستىك ۇشقىشسىز اۆياتسيالىق جۇيەلەر ورتالىعى «تۋلادرون» كومپانياسىنىڭ باس ديرەكتورى ەۆگەني گريگورەۆ قاماۋعا الىندى، دەپ حابارلايدى "ادىرنا" ۇلتتىق پورتالى caliber-گە سىلتەپ.
جەرگىلىكتى باق مالىمەتىنشە، وعان اسا ءىرى كولەمدە الاياقتىق جاسادى دەگەن كۇدىك كەلتىرىلگەن. سوت 14 تامىزدا گريگورەۆتى ەكى ايعا قاماۋعا الۋ تۋرالى شەشىم شىعارعان. «تۋلادرون» عىلىمي-وندىرىستىك ورتالىعىن قۇرۋعا 1 ميللياردتان استام رۋبل جۇمسالعانى حابارلاندى.
2025 جىلى تۋلا وبلىسىنىڭ گۋبەرناتورى دميتري ميلياەۆ ورتالىقتىڭ رەسەيدەگى ۇشقىشسىز جۇيەلەر سالاسىنداعى ەڭ ءىرى ون عىلىمي-وندىرىستىك ورتالىقتىڭ بىرىنە اينالاتىنىن ايتقان.
سول جىلى قاڭتاردا «تۋلادرون» رەسەيدىڭ ونەركاسىپ جانە ساۋدا مينيسترلىگىنەن ۇشقىشسىز اۋە جۇيەلەر تەحنولوگيالارىن دامىتۋ سالاسىنداعى سىناقتار مەن قۇزىرەتتەر بويىنشا عىلىمي-وندىرىستىك ورتالىق مارتەبەسىن العان.
قازىر ەۆگەني گريگورەۆكە قاتىستى قىلمىستىق ءىس بويىنشا تەرگەۋ جۇرگىزىلىپ جاتىر. وقيعانىڭ باسقا دا ءمان-جايلارى انىقتالۋدا.
