31 تامىزدا قىرعىزستان استاناسى بىشكەك قالاسىندا قازاقستان پرەزيدەنتى قاسىم-جومارت توقاەۆ پەن ازەربايجان پرەزيدەنتى يلحام اليەۆتىڭ كەزدەسۋى ءوتتى، دەپ حابارلايدى “ادىرنا”.
كەزدەسۋدە يلحام اليەۆ قازاقستان پرەزيدەنتىن ەلدەگى جاڭا پارلامەنت — قۇرىلتايعا وتكەن العاشقى سايلاۋدىڭ ءساتتى وتۋىمەن قۇتتىقتادى. ول بۇل ساياسي ناۋقاندى قاسىم-جومارت توقاەۆتىڭ باستاماسىمەن جۇزەگە اسىرىلىپ جاتقان اۋقىمدى رەفورمالاردى قازاقستان حالقىنىڭ قولدايتىنىنىڭ كەزەكتى دالەلى رەتىندە اتاپ ءوتتى.
ءوز كەزەگىندە پرەزيدەنت قاسىم-جومارت توقاەۆ ازەربايجان باسشىسىنا جولداعان قۇتتىقتاۋ حاتى جانە سايلاۋعا ازەربايجاننان كەلگەن حالىقارالىق بايقاۋشىلاردىڭ بەلسەندى قاتىسقانى ءۇشىن العىس ءبىلدىردى.
تاراپتار قازاقستان مەن ازەربايجان اراسىنداعى ستراتەگيالىق سەرىكتەستىك پەن وداقتاستىق قاتىناستاردىڭ تابىستى دامىپ كەلە جاتقانىن اتاپ ءوتتى. سونداي-اق جوعارى دەڭگەيدەگى ءوزارا ساپارلار مەن كەزدەسۋلەردىڭ ەكىجاقتى بايلانىستاردى ودان ءارى نىعايتۋداعى ماڭىزىنا توقتالدى.
كەزدەسۋدە كولىك-لوگيستيكا سالاسىنداعى ىنتىماقتاستىق، سونداي-اق ورتا ءدالىزدىڭ ماڭىزى مەن ونى دامىتۋ پەرسپەكتيۆالارى تالقىلاندى.
مەملەكەت باسشىلارى بۇدان بولەك باكۋدە وتەتىن ازياداعى ءوزارا ءىس-قيمىل جانە سەنىم شارالارى جونىندەگى كەڭەس ءسامميتىن وتكىزۋ ماسەلەسىن قاراستىردى.
كەزدەسۋ بارىسىندا الداعى جوعارى دەڭگەيدەگى بايلانىستار جانە ءوزارا قىزىعۋشىلىق تۋدىراتىن وزگە دە ماسەلەلەر بويىنشا پىكىر الماستى.
