SARYARQA تەلەارناسى 2026/2027 جاڭا تەلەماۋسىمىن تانىستىردى. باستى وزگەرىستەر – جاڭا ستۋديا، ەفيردىڭ زاماناۋي بەزەندىرىلۋى جانە جاڭا جوبالار.
نەگىزگى جاڭالىقتاردىڭ ءبىرى – اۋماعى 45 شارشى مەتر بولاتىن LED-ەكران. ونىڭ مۇمكىندىكتەرى تەلەۆيزيالىق گرافيكامەن، بەينەماتەريالدارمەن جانە ستۋديالىق باعدارلامالاردىڭ ۆيزۋالدى بەزەندىرىلۋىمەن جاڭاشا جۇمىس ىستەۋگە جول اشادى. تەلەارنانىڭ باستى اقپاراتتىق باعدارلاماسى – «ارقا اقپارات» جاڭا كەلبەتكە يە بولدى. وزگەرىستەر «اپتا» قورىتىندى باعدارلاماسى مەن «سالەم، قاراعاندى!» كۇندەلىكتى تاڭعى باعدارلاماسىن دا قامتىدى. «سالەم، قاراعاندى!» جۇمىس كۇندەرى تىكەلەي ەفيردە شىعادى.
جاڭا ماۋسىمدا كورەرمەنگە «ايتىلدى، ورىندالدى ما؟» / «سكازانو – سدەلانو؟»، «تەلە-دالا»، «ەڭسەلى قاراعاندى» / «توچكا پريتياجەنيا»، «قامقورلىق»، «تارازىدا ءتارتىپ» جوبالارى ۇسىنىلادى. باستى نازاردا – وبلىستىڭ دامۋى، ادامدار، قوعامدىق ماڭىزى بار تاقىرىپتار جانە وڭىردەگى قىزىقتى باستامالار. «تەلە-دالا» مەن «تارازىدا ءتارتىپ» جوبالارى تەلەارنانىڭ تسيفرلىق كونتەنتىندە كورەرمەنگە ۇسىنىلىپ ۇلگەردى.
تانىستىرىلىمدا ۇرپاقتار ساباقتاستىعىنا ەرەكشە ءمان بەرىلدى. قاراعاندى تەلەۆيزياسىنىڭ باستاۋىندا تۇرعان ارداگەرلەر ەستەلىكتەرىمەن ءبولىسىپ، جاڭا ماۋسىمعا اق باتاسىن بەردى. SARYARQA تەلەارناسىنىڭ تاريحى 1958 جىلدان باستاۋ الادى جانە ارنا تەلەۆيزيا ارداگەرلەرىمەن ءداستۇرلى ساباقتاستىق بايلانىسىن ساقتاپ كەلەدى.
قاراعاندى وبلىسى اكىمىنىڭ ورىنباسارى الىبەك ۇسەنۇلى الدەنەي تەلەارنا ۇجىمىنا جاڭا ماۋسىمدا تابىس تىلەدى. «قازاقستان» رترك» اق باسقارما توراعاسىنىڭ ورىنباسارى ەركىن تاڭاتقانۇلى مۇحامەدجانوۆ تەلەارناداعى جاڭارۋلارعا جوعارى باعا بەردى.
تانىستىرىلىمعا تەلەارنانىڭ سەرىكتەستەرى، استانادان كەلگەن بۇقارالىق اقپارات قۇرالدارىنىڭ وكىلدەرى جانە قاراعاندىلىق ارىپتەس جۋرناليستەر دە قاتىستى.
SARYARQA-نىڭ جاڭا تەلەماۋسىمى تسيفرلىق ءداۋىر رۋحىنا ساي سيمۆولدىق تۇردە باستالدى – ۇلكەن LED-ەكراندا لەنتا ۆيرتۋالدى تۇردە قيىلدى. وسىلايشا تەلەارنا ءوز تاريحىنىڭ جاڭا پاراعىن اشتى.
