پرەزيدەنت قاسىم-جومارت توقاەۆ دۇنيەجۇزىلىك كوشپەندىلەر ويىندارىنداعى جارىستاردىڭ بارىسىن ءجىتى قاداعالاپ وتىر. بۇل تۋرالى مەملەكەت باسشىسىنىڭ كەڭەسشىسى – ءباسپاسوز حاتشىسى ايبەك سمادياروۆ مالىمدەدى، دەپ حابارلايدى "ادىرنا".
"مەملەكەت باسشىسى تۋريزم جانە سپورت ءمينيسترى ەربول مىرزابوسىنوۆ ارقىلى قازاقستان اتىنان ويىنعا قاتىسۋشىلارعا ىزگى سالەمىن جولداپ، دوستىق پەن ادىلدىك رۋحىندا ءوتىپ جاتقان جارىستاردا جارقىن جەڭىس تىلەدى. مەملەكەت باسشىسى باپكەرلەر مەن چەمپيوندارعا ريزاشىلىعىن ءبىلدىردى، سونداي-اق ۇلتتىق قۇرامانىڭ ورتاق تابىسىنا ۇلەس قوسقان بارشا ازاماتتىڭ ەڭبەگى ەلەنەتىنىن اتاپ ءوتتى", — دەلىنگەن حابارلامادا.
ەسكە سالايىق، 31 تامىزدا قاسىم-جومارت توقاەۆ دۇنيەجۇزىلىك كوشپەندىلەر ويىندارىنىڭ اشىلۋ سالتاناتىنا قاتىستى.
بۇگىندە قازاقستان قۇراماسى 300 شاقىرىمدىق ات جارىسىندا توپ جاردى. جالپى ەسەپتە ەلىمىزدىڭ سپورتشىلارى 25 التىن مەدالمەن كوش باستاپ كەلەدى.
