مەملەكەت باسشىسى قاسىم-جومارت توقاەۆ 1 ماۋسىم – حالىقارالىق بالالاردى قورعاۋ كۇنىمەن قۇتتىقتادى. بۇل تۋرالى اقوردانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
بارشاڭىزدى حالىقارالىق بالالاردى قورعاۋ كۇنىمەن قۇتتىقتايمىن! بالا – باۋىر ەتىمىز. ولار – ەلىمىزدىڭ ەرتەڭى. مەملەكەت وسكەلەڭ ۇرپاقتىڭ ءبىلىمدى ءارى جان-جاقتى بولىپ ءوسۋى ءۇشىن بارلىق جاعدايدى جاسايدى. بالالارىمىزدىڭ بولاشاعى باياندى بولسىن! – دەدى پرەزيدەنت.
