ەلدار تولعانباەۆ قازاقستان رەسپۋبليكاسى پرەزيدەنتىنىڭ ىشكى ساياسات ماسەلەلەرى جانە كوممۋنيكاتسيالار جونىندەگى كومەكشىسى بولىپ تاعايىندالدى، دەپ حابارلايدى "ادىرنا" ءتىلشىسى.
اقوردانىڭ مالىمەتىنشە، ءتيىستى جارلىققا مەملەكەت باسشىسى قاسىم-جومارت توقاەۆ قول قويعان.
ەلدار سەيداحمەتۇلى تولعانباەۆ 1981 جىلى الماتى وبلىسىندا دۇنيەگە كەلگەن. شاكارىم اتىنداعى سەمەي مەملەكەتتىك ۋنيۆەرسيتەتىن جانە د. ا. قوناەۆ اتىنداعى ۋنيۆەرسيتەتتى تامامداعان.
ەڭبەك جولىن 2005 جىلى الماتى وبلىسى الاكول اۋدانى ءماسليحات اپپاراتىنىڭ باس مامانى رەتىندە باستاعان. ءار جىلدارى مادەنيەت جانە اقپارات مينيسترلىگىندە، پرەمەر-مينيستر كەڭسەسىنىڭ اقپاراتتىق-تالداۋ ورتالىعىندا، ورتالىق كوممۋنيكاتسيالار قىزمەتىندە جانە پارلامەنت ماجىلىسىندە قىزمەت اتقارعان.
2019-2022 جىلدارى الماتى قالاسىن دامىتۋ ورتالىعى مەن «Almaty تەلەراديوكومپانياسى» اق-دا باسشىلىق قىزمەتتەر اتقاردى. 2022 جىلى پرەزيدەنت اكىمشىلىگىنىڭ مەملەكەتتىك ينسپەكتورى بولدى.
2023 جىلى اقپارات جانە قوعامدىق دامۋ ۆيتسە-ءمينيسترى قىزمەتىن اتقارىپ، 2023-2024 جىلدارى پرەزيدەنت اكىمشىلىگىنىڭ كوممۋنيكاتسيالار ءبولىمى مەڭگەرۋشىسىنىڭ ورىنباسارى بولدى.
2024 جىلدان بەرى ۇكىمەت اپپاراتى باسشىسىنىڭ ورىنباسارى قىزمەتىن اتقارىپ كەلگەن.
