بۇگىن، 9 قىركۇيەكتە مەملەكەت باسشىسى قاسىم-جومارت توقاەۆ تاجىكستان پرەزيدەنتى ەمومالي راحمون مەن ونىڭ وتانداستارىن تاجىكستان رەسپۋبليكاسى تاۋەلسىزدىگىنىڭ 35 جىلدىعىمەن قۇتتىقتادى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
پرەزيدەنت تاجىكستاننىڭ ەگەمەندىك جىلدارىندا مەملەكەتتىك باسقارۋ، الەۋمەتتىك-ەكونوميكالىق دامۋ، سونداي-اق الەمدىك ارەنادا ۇلتتىق مۇددەنى قورعاۋ مەن ىلگەرىلەتۋ ىسىندە زور تابىسقا قول جەتكىزگەنىن اتاپ ءوتتى.
«قازاقستان حالقى ەلىڭىزدىڭ جەتىستىكتەرىنە رياسىز قۋانادى. ءبىز دوستىق قارىم-قاتىناس پەن ءوزارا قولداۋدى جوعارى باعالايمىز. بىرلەسكەن كۇش-جىگەرىمىزدىڭ ارقاسىندا قازاق-تاجىك ستراتەگيالىق سەرىكتەستىگى مەن وداقتاستىعى باۋىرلاس قوس حالىقتىڭ يگىلىگى جولىندا نىعايا بەرەتىنىنە سەنىمدىمىن»،– دەلىنگەن جەدەلحاتتا.
قاسىم-جومارت توقاەۆ ەمومالي راحموننىڭ جاۋاپتى مەملەكەتتىك قىزمەتىنە تابىس، ال باۋىرلاس تاجىك حالقىنا قۇت-بەرەكە تىلەدى.
