مەملەكەت باسشىسى قاسىم-جومارت توقاەۆ مۇددەلى حالىقارالىق تاراپتاردى كاسپي تەڭىزىن ساقتاۋ جولىندا كۇش-جىگەر بىرىكتىرۋگە شاقىردى. بۇل تۋرالى ول وڭىرلىك ەكولوگيالىق سامميتتە ايتتى، دەپ حابارلايدى «ادىرنا» ءتىلشىسى.
پرەزيدەنت كاسپي تەڭىزىنە قاۋىپ ءتونىپ تۇرعانىن ايتىپ، ونى قورعاۋ ەكولوگيالىق تەپە-تەڭدىك پەن وڭىرلىك تۇراقتىلىق ءۇشىن ماڭىزدى ەكەنىن مالىمدەدى.
«ەلىمىز كاسپي تەڭىزىنىڭ تاعدىرىنا دا الاڭدايدى. تەڭىز ايدىنىن قورعاۋ – ايماقتا ەكولوگيالىق تەپە-تەڭدىك پەن بيوالۋانتۇرلىلىكتى ساقتاۋ، ورنىقتى دامۋدى قامتاماسىز ەتۋ تۇرعىسىنان ايرىقشا ماڭىزدى. وسى ورايدا قازاقستان كاسپي تەڭىزىنىڭ تارتىلۋىنا جول بەرمەۋ ءۇشىن مەملەكەتارالىق باعدارلاما قابىلداۋ جونىندە باستاما كوتەردى، كاسپي تەڭىزى عىلىمي-زەرتتەۋ ينستيتۋتىن قۇرۋعا ۇيىتقى بولدى. اتالعان مەكەمە وڭىرلىك دەڭگەيدەگى عىلىمي ىنتىماقتاستىقتى دامىتۋعا ىقپال ەتەدى»،-دەدى ول.
قاسىم-جومارت توقاەۆ كاسپي تەڭىزىندە كەز كەلگەن اسكەري قارۋدى قولدانباۋ كەرەكتىگىن دە جەتكىزدى.
«بارشا مۇددەلى حالىقارالىق تاراپتاردى تابيعاتتىڭ وسىناۋ اسىل قازىناسىن ساقتاۋ جولىندا كۇش-جىگەر بىرىكتىرۋگە شاقىرامىز. كاسپي ماڭىندا قارۋلى كۇشتەردىڭ قولدانىلۋىنا جول بەرۋگە بولمايدى. وعان قاتاڭ تىيىم سالىنۋعا ءتيىس»،-دەدى مەملەكەت باسشىسى.
