پرەزيدەنت اكىمشىلىگىنىڭ كەلىسىمى جانە شىعىس قازاقستان وبلىسىنىڭ اكىمى نۇرىمبەت ساقتاعانوۆتىڭ وكىمىمەن ايدار سادىرباەۆ وبلىس اكىمىنىڭ ورىنباسارى لاۋازىمىنا تاعايىندالدى. بۇل تۋرالى بۇگىن، 9 قىركۇيەكتە وبلىس اكىمدىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«بۇگىن ايماق باسشىسى جاڭا ورىنباسارىن ۇجىمعا تانىستىرىپ، جۇمىسىنا ساتتىلىك تىلەدى»،–دەلىنگەن حابارلامادا.
ايدار سەرىكقازىۇلى 1986 جىلى 25 قىركۇيەكتە بۇرىنعى سەمەي وبلىسى جاڭاسەمەي اۋدانى نوۆوپوكروۆكا اۋىلىندا دۇنيەگە كەلگەن. ءبىلىمى جوعارى.
2009 جىلى قازاق يننوۆاتسيالىق گۋمانيتارلىق-زاڭ ۋنيۆەرسيتەتىن «تاريح» ماماندىعى بويىنشا تامامداپ، ەڭبەك جولىن 2009 جىلى شىعىس قازاقستان وبلىسى بورودۋليحا اۋدانىنا قاراستى پەرەمەنوۆكا اۋىلىنىڭ ورتا مەكتەبىندە مۇعالىمدىك قىزمەتتەن باستاعان.
ءار جىلدارى بورودۋليحا اۋدانى مەن سەمەي قالاسىنىڭ ىشكى ساياسات بولىمدەرىندە نۇسقاۋشى، جەتەكشى جانە باس مامان، باسشىنىڭ ورىنباسارى، باسشى، سەمەي قالاسى اكىمىنىڭ ورىنباسارى، «AMANAT» پارتياسىنىڭ وبلىستىق فيليال توراعاسى، اباي، شىعىس قازاقستان وبلىستارىندا ىشكى ساياسات باسقارمالارىنىڭ باسشىسى قىزمەتتەرىن اتقاردى.
ايدار سادىرباەۆ جاڭا قىزمەتىندە ءوڭىردىڭ الەۋمەتتىك بلوگىنا، ىشكى جانە اقپاراتتىق ساياسات ماسەلەلەرىنە جەتەكشىلىك ەتەتىن بولادى.
