Prezident Äkımşılıgınıŋ kelısımı jäne Şyǧys Qazaqstan oblysynyŋ äkımı Nūrymbet Saqtaǧanovtyŋ ökımımen Aidar Sadyrbaev oblys äkımınıŋ orynbasary lauazymyna taǧaiyndaldy. Būl turaly bügın, 9 qyrküiekte oblys äkımdıgınıŋ baspasöz qyzmetı jazdy, dep habarlaidy «Adyrna» tılşısı.
«Bügın aimaq basşysy jaŋa orynbasaryn ūjymǧa tanystyryp, jūmysyna sättılık tıledı»,–delıngen habarlamada.
Aidar Serıkqazyūly 1986 jyly 25 qyrküiekte būrynǧy Semei oblysy Jaŋasemei audany Novopokrovka auylynda düniege kelgen. Bılımı joǧary.
2009 jyly Qazaq innovasiialyq gumanitarlyq-zaŋ universitetın «Tarih» mamandyǧy boiynşa tamamdap, eŋbek jolyn 2009 jyly Şyǧys Qazaqstan oblysy Boroduliha audanyna qarasty Peremenovka auylynyŋ orta mektebınde mūǧalımdık qyzmetten bastaǧan.
Är jyldary Boroduliha audany men Semei qalasynyŋ ışkı saiasat bölımderınde nūsqauşy, jetekşı jäne bas maman, basşynyŋ orynbasary, basşy, Semei qalasy äkımınıŋ orynbasary, «AMANAT» partiiasynyŋ oblystyq filial töraǧasy, Abai, Şyǧys Qazaqstan oblystarynda ışkı saiasat basqarmalarynyŋ basşysy qyzmetterın atqardy.
Aidar Sadyrbaev jaŋa qyzmetınde öŋırdıŋ äleumettık blogyna, ışkı jäne aqparattyq saiasat mäselelerıne jetekşılık etetın bolady.
