كەشە، 8 قىركۇيەكتە يران جەتەكشىسى، رۋحاني كوشباسشى مودجتابا حامەنەي 57 جاسقا تولدى، دەپ حابارلايدى «ادىرنا» ءتىلشىسى.
ول 1969 جىلى مەشھەد قالاسىندا دۇنيەگە كەلگەن. مودجتابا — يراننىڭ جوعارعى كوشباسشىسى ءالي حامەنەيدىڭ ەكىنشى ۇلى.
بالالىق جانە جاستىق شاعىن مەشھەد پەن تەگەراندا وتكىزگەن ول كەيىن قوم قالاسىندا ءدىني ءبىلىمىن جالعاستىرعان. يراننىڭ ساياسي جانە ءدىني ەليتاسىندا ۇزاق جىلدار بويى ىقپالعا يە بولعانىنا قاراماستان، رەسمي مەملەكەتتىك قىزمەتتەردە جۇمىس ىستەمەگەن.
مودجتابا حامەنەي يران-يراك سوعىسىنا دا قاتىسىپ، سول كەزەڭدە يسلام رەۆوليۋتسياسى ساقشىلار كورپۋسىنىڭ وكىلدەرىمەن بايلانىسىن نىعايتقان.
2004 جىلى ول يران پارلامەنتىنىڭ بۇرىنعى توراعاسى عولامالي حادداد-ادەلدىڭ قىزى زاحرا حادداد-ادەلگە ۇيلەنگەن.
ۇزاق ۋاقىت بويى مودجتابا حامەنەي اكەسىنىڭ ىقتيمال مۇراگەرى رەتىندە قاراستىرىلىپ، يران بيلىگىندەگى ەڭ ىقپالدى «كولەڭكەلى» تۇلعالاردىڭ ءبىرى سانالىپ كەلدى.
اقپاراتتارعا سايكەس، اقپان ايىندا اقش پەن ءيزرايلدىڭ سوققىلارى سالدارىنان جاراقات العاننان كەيىن مودجتابا حامەنەي كوپشىلىك الدىنا شىقپاعان. وسى سوققىدان يراننىڭ 86 جاستاعى رۋحاني جەتەكشىسى اياتوللا ءالي حامەنەي قازا تاپقان سوڭ مودجتابا اكەسىنىڭ ورنىنا كەلگەن باسشى رەتىندە ۇيعارىلعان. بىراق ول جوعارى بيلىككە كەلگەلى نە ناقتى سۋرەتى، بەينەسى جاريالانعان ەمەس، دىبىستاما داۋىسى دا تاراعان ەمەس.
