بەلسەندى سانجار بوقاەۆقا قاتىستى قىلمىستىق ءىس الماتى قالاسىنىڭ المالى اۋداندىق قىلمىستىق ىستەر جونىندەگى سوتىنا ءتۇستى، دەپ حابارلايدى "ادىرنا".
بۇل تۋرالى ونىڭ ادۆوكاتى رادمير وتەپوۆ ايتتى.
«بۇگىن ءبىزدىڭ قورعاۋىمىزداعى بوقاەۆ سانجاردىڭ ءىسى الماتى قالاسىنىڭ المالى اۋداندىق قىلمىستىق ىستەر جونىندەگى سوتىنا كەلىپ ءتۇستى. العاشقى سوت وتىرىسىنىڭ بەلگىلەنگەن كۇنى ازىرگە بىزگە بەلگىسىز»، – دەپ جازدى ادۆوكات Instagram پاراقشاسىندا.
بۇعان دەيىن باس پروكۋروردىڭ ورىنباسارى ەرلان وتەگەنوۆ سانجار بوقاەۆتىڭ ۇلتتىق كومپانيادا جۇمىس ىستەگەن كەزەڭىندە اسا ءىرى مولشەردە الاياقتىق جاسادى دەگەن كۇدىككە ىلىنگەنىن حابارلاعان. سونىمەن قاتار وعان زاڭسىز اعاش كەسۋدى ۇيىمداستىردى دەگەن كۇدىك بويىنشا ءىس قارالىپ جاتقانى ايتىلعان.
ناۋرىز ايىندا الماتىدا ازاماتتىق بەلسەندى ءارى ساياساتتانۋشى سانجار بوقاەۆتىڭ ۇستالعانى حابارلانعان.
