مامانداردىڭ مالىمەتىنشە، ءدارىحانا جەلىلەرى ارقىلى تەگىن تاراتىلاتىن دارىلەردىڭ 26 مىڭنان استام قاپتاماسىن قايتا ساتۋعا ارەكەت جاسالعان. وسى فاكتىلەر بويىنشا 106 مەديتسينالىق ۇيىم مەن ءدارىحانادا تەكسەرۋ جۇرگىزىلدى.
تەكسەرۋ ناتيجەسىندە سالىنعان اكىمشىلىك ايىپپۇلداردىڭ جالپى كولەمى 20 ميلليون تەڭگەدەن استى. ال مەملەكەتكە كەلتىرىلگەن الدىن الا شىعىن 36 ميلليون تەڭگەدەن جوعارى دەپ باعالانىپ وتىر.
بۇعان دەيىن، شىلدە ايىندا دەنساۋلىق ساقتاۋ مينيسترلىگى تسيفرلىق تاڭبالاۋ جۇيەسى سوڭعى ەكى جىلدا ءدارىحانالاردا تەگىن بەرىلەتىن ءدارى-دارمەكتەردى زاڭسىز قايتا ساتۋدىڭ 25 مىڭنان استام جاعدايىن انىقتاعانىن حابارلاعان بولاتىن.
تسيفرلىق باقىلاۋ جۇيەسى ءدارى-دارمەكتەردىڭ اينالىمىن قاداعالاپ، ولاردىڭ زاڭسىز ساتىلۋىن انىقتاۋعا مۇمكىندىك بەرەدى. قىركۇيەك ايىنان باستاپ جۇيە بيولوگيالىق بەلسەندى قوسپالارعا دا ەنگىزىلە باستادى. ال 2027 جىلى تسيفرلىق تاڭبالاۋدى مەديتسينالىق بۇيىمدارعا ەنگىزۋ جوسپارلانىپ وتىر.
