ليۋكسەمبۋرگتەگى جالعىز حالىقارالىق اۋەجاي 18 قىركۇيەك كەشكە بەلگىسىز درونداردىڭ انىقتالۋىنا بايلانىستى جۇمىسىن ۋاقىتشا توقتاتتى، دەپ حابارلايدى “ادىرنا”.
شەتەلدىك باق دەرەگىنشە، درون سالدارىنان رەيستەر كەشىكتىرىلىپ، بىرقاتار ۇشاقتار كورشى ەلدەردەگى اۋەجايلارعا باعىتتالدى.
جەرگىلىكتى ۋاقىت بويىنشا شامامەن ساعات 22:00-دە دروندار اۋەجاي ماڭىنان جانە ونىڭ اۋماعىنىڭ ۇستىنەن بايقالعان. قاۋىپسىزدىك شاراسى رەتىندە اۋەجاي اكىمشىلىگى ۇشۋ جۇمىستارىن ۋاقىتشا توقتاتقان.
شامامەن ءبىر جارىم ساعاتتان كەيىن رەيستەر شەكتەۋلى رەجيمدە قايتا باستالدى.
درونداردىڭ كىمگە تيەسىلى ەكەنى جانە ولاردى كىم باسقارعانى ازىرگە بەلگىسىز. ليۋكسەمبۋرگ ۇكىمەتى وقيعاعا بايلانىستى قاۋىپسىزدىك ورگاندارى مەن اۋە كەڭىستىگىن باقىلاۋعا جاۋاپتى قىزمەتتەردىڭ قاتىسۋىمەن شۇعىل كەڭەس وتكىزدى.
