قازاقستاندىق ۆەلوشاباندوز الەكسەي لۋتسەنكو ايچي مەن ناگويادا (جاپونيا) ءوتىپ جاتقان 2026 جىلعى ازيا ويىندارىندا التىن مەدال جەڭىپ الدى. بۇل تۋرالى تۋريزم جانە سپورت مينيسترلىگى جاريالادى، دەپ حابارلايدى "ادىرنا".
قازاقستان قۇراماسىنىڭ كوشباسشىسى جەكەلەي ۋاقىتقا جارىستا جەڭىسكە جەتتى. لۋتسەنكو قاشىقتىقتى 41:24.05 ۋاقىتتا باعىندىردى. ەكىنشى ورىن جاپونيالىق سيۋنسۋكە يمامۋراعا، ال ءۇشىنشى ورىن موڭعوليا وكىلى جامباليامتس ساينبايارعا بۇيىردى.
الەكسەي لۋتسەنكو ءۇشىن بۇل – ازيا ويىندارىندا جەڭىپ العان مانسابىنداعى بەسىنشى التىن جۇلدە. سونىمەن قاتار قازاقستاندىق ۆەلوشاباندوز جەكەلەي ۋاقىتقا جارىستا قاتارىنان ءتورتىنشى رەت چەمپيون اتانىپ وتىر. ول بۇعان دەيىن 2014, 2018 جانە 2022 جىلدارداعى ازيا ويىندارىندا وسى باسەكەدە توپ جارعان.
بۇدان بولەك، لۋتسەنكو 2018 جىلى دجاكارتادا وتكەن ازيا ويىندارىندا توپتىق جارىستا دا چەمپيون اتاندى. سونداي-اق ونىڭ قورجىنىندا 2022 جىلعى حانچجوۋ ويىندارىنىڭ كۇمىس مەدالى بار.
ەسكە سالساق، بۇعان دەيىن ۆەلوسپورتتان ايەلدەر اراسىنداعى جارىستا ريناتا سۇلتانوۆا التىن مەدال جەڭىپ العانىن حابارلادىق.
