قازاقستاندىق كاراتەشى جولامان بيعابىل جاپونيانىڭ ايچي-ناگويا قالاسىندا ءوتىپ جاتقان 2026 جىلعى ازيا ويىندارىندا توپ جاردى. ول 55 كەلىگە دەيىنگى سالماق دارەجەسىندە ونەر كورسەتىپ، التىن مەدال جەڭىپ الدى، دەپ حابارلايدى «ادىرنا».
فينالدا جولامان بيعابىل وزبەكستان سپورتشىسى حۋمويۋنميرزا حاليموۆپەن كەزدەسىپ، قارسىلاسىنان باسىم ءتۇستى. وسىلايشا قازاقستاندىق كاراتەشى ازيا ويىندارىنىڭ چەمپيونى اتاندى.
بۇعان دەيىن ول جارىستىڭ شيرەك فينالىندا تاجىكستان وكىلى ماحساتۋللو مۋمينوۆتى جەڭسە، جارتىلاي فينالدا يندونەزيا سپورتشىسى مۋحامماد جانۋاردى 6:1 ەسەبىمەن ۇتقان.
ايتا كەتەيىك، بۇعان دەيىن تاسجولداعى ۆەلوسپورتتان ريناتا سۇلتانوۆا مەن الەكسەي لۋتسەنكو التىن السا، ترياتلونشى ارلان جاڭاباي قولا جۇلدەگە يە بولدى. سونىمەن قاتار قازاقستان ەرلەر قۇراماسى قازىرگى بەسسايىستان قولا مەدال ەنشىلەدى.
