قازاقستان ۇلتتىق قۇراماسىنىڭ وكىلدەرى سەرگەي ەمەليانوۆ پەن تيموفەي ەمەليانوۆ جاپونيانىڭ ايتي–ناگويا قالالارىندا ءوتىپ جاتقان XX جازعى ازيا ويىندارىنىڭ قولا جۇلدەگەرى اتاندى. بۇل تۋرالى 24 قىركۇيەكتە تۋريزم جانە سپورت مينيسترلىگى ايتتى، دەپ حابارلايدى «ادىرنا» ءتىلشىسى.
ەرلەر اراسىنداعى 500 مەترلىك كانوە-ەكىلىك سايىسىنىڭ فينالىندا قازاقستاندىق ەكيپاج ءۇشىنشى بولىپ مارەگە جەتىپ، قولا مەدال يەلەنگەن.
ايتا كەتەيىك، بۇگىن قازاقستاندىق ەسكەكشىلەر دە التىن جانە كۇمىس مەدال جەڭىپ العان بولاتىن. وسىلايشا، قازاقستان قۇراماسى قىسقا ۋاقىت ىشىندە ەسۋ سپورتىنان بىردەن ءۇش جۇلدەگە قول جەتكىزدى.
بۇعان دەيىنگى جازعى ازيا ويىندارىندا قازاقستان وسى ەسۋ ديستسيپلينالارىندا بىردە-ءبىر مەدال يەلەنبەگەن ەدى.
ۇقساس جاڭالىقتار
