مەملەكەت باسشىسىنىڭ وكىمىمەن 25 قىركۇيەك قازاقستاندا جالپىۇلتتىق ازا تۇتۋ كۇنى دەپ جاريالاندى، دەپ حابارلايدى "ادىرنا".
بۇل شەشىم ماڭعىستاۋ وبلىسىندا قىزمەتتىك مىندەتتەرىن اتقارۋ كەزىندە قازا تاپقان اسكەري قىزمەتشىلەرگە بايلانىستى قابىلداندى.
24 قىركۇيەكتە قازاقستان رەسپۋبليكاسى قارۋلى كۇشتەرى اسكەري-تەڭىز كۇشتەرىنىڭ كاسپي تەڭىزىندەگى وقۋ-جاتتىعۋى كەزىندە اۋا رايى كۇرت ناشارلاپ، جەل كۇشەيگەن. سونىڭ سالدارىنان اسكەري قىزمەتشىلەردى تەڭىزگە الىپ كەتكەن.
قورعانىس مينيسترلىگىنىڭ مالىمەتىنشە، الدىن الا اقپارات بويىنشا تەڭىزگە 19 اسكەري قىزمەتشى كەتكەن. قازىرگى ۋاقىتتا ولاردىڭ 9-ى قازا بولعان. ءۇش اسكەري قىزمەتشى قۇتقارىلدى، ونىڭ بىرەۋى اۋرۋحاناعا جاتقىزىلدى.
قالعان اسكەري قىزمەتشىلەردى ىزدەستىرۋ-قۇتقارۋ جۇمىستارى جالعاسىپ جاتىر.
قازا بولعانداردىڭ وتباسىلارى مەن جاقىندارىنا قايعىرىپ كوڭىل ايتامىز.
