فوتو: olympic.kz
قازاقستاندىق تاەكۆوندوشى ماريا سەۆوستيانوۆا پاريجدە وتكەن گران-پري تۋرنيرىندە قولا جۇلدەگە يە بولدى. بۇل تۋرالى قر تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى جاريالادى، دەپ حابارلايدى "ادىرنا".
اقپاراتقا سايكەس، وتانداسىمىز جارىس بارىسىندا تايبەي وكىلى ۆەي چۋن ءليندى، ماجارستان سپورتشىسى لۋكا پاتاكفالۆيدى جانە وزبەكستان وكىلى ءمادينا مارابزولوۆانى جەڭىپ، جارتىلاي فينالعا جولداما الدى.
الايدا شەشۋشى كەزەڭگە ءوتۋ ءۇشىن وتكەن كەزدەسۋدە قازاقستاندىق سپورتشى قازىرگى الەم چەمپيونى، برازيليالىق ماريا كلارا پاچەكوعا 0:2 ەسەبىمەن جول بەردى. وسىلايشا، ماريا سەۆوستيانوۆا ءتۋرنيردى قولا مەدالمەن اياقتادى.
ايتا كەتەيىك، بيىلعى ماۋسىمنىڭ گران-پري سەرياسىنىڭ فينالدىق كەزەڭى قاراشا ايىندا استانادا وتەدى.
ۇقساس جاڭالىقتار
