شىمكەنتتە كوپقاباتتى ۇيدەگى پاتەردە بەس ادام كومىرتەگى توتىعىنان ۋلانىپ، ەكى بالا قايتىس بولدى، دەپ حابارلايدى "ادىرنا" ۇلتتىق پورتالى.
تاعى ءۇش ادام اۋرۋحاناعا جەتكىزىلدى.
قايعىلى جاعداي تۋرالى پاتەردە التى ساعات بويى ەس-ءتۇسسىز جاتقان ايەل ويانعاننان كەيىن حابارلاعان. ول ۇيدەگى 27 جاستاعى كەلىنشەكتىڭ اپكەسىنە قوڭىراۋ شالعان. زارداپ شەككەندەردىڭ اراسىندا 27 جاستاعى ايەل مەن ونىڭ 3 جاستاعى قىزى بار. ايەلدىڭ جاعدايى جاقسارىپ، توكسيكولوگيا بولىمىنە اۋىستىرىلعان. ال قىز بالا ءالى جانساقتاۋ بولىمىندە ەم قابىلداپ جاتىر.
الدىن الا مالىمەت بويىنشا، پاتەرگە گاز پليتاسىنا ارنالماعان سۋ جىلىتقىش ورناتىلعان. ماماندار وقيعانىڭ ناقتى سەبەبىن انىقتاۋ ءۇشىن تەكسەرۋ جۇرگىزىپ جاتىر.
ۇقساس جاڭالىقتار
