ساۋد ارابياسىندا مەككە قالاسىنداعى مەشىتتەردىڭ بىرىندە ادەپسىز ارەكەت جاسادى دەپ ايىپتالعان بانگلادەشتىڭ ەكى ازاماتىنا قاتىستى ءولىم جازاسى ورىندالدى، دەپ حابارلايدى "ادىرنا" ۇلتتىق پورتالى.
شەتەلدىك باق دەرەگىنشە، ۇكىم نازرۋل يسلام باسير مەن سيتي احتارعا قاتىستى مەككە ايماعىندا جۇزەگە اسىرىلعان. رەسمي حابارلامادا ولاردىڭ قاسيەتتى مەكەننىڭ كيەسىن بۇزىپ، مەشىت اۋماعىندا اۋىر ادەپسىز ارەكەت جاساعانى ايتىلعان. الايدا وقيعانىڭ ناقتى ءمان-جايى جاريالانبادى.
شاريعات سوتى ءىستى قاراپ، ەكى ازاماتقا دا «تاعزير» بويىنشا ءولىم جازاسىن تاعايىنداعان. كەيىن بۇل شەشىمدى جوعارعى سوت ماقۇلداپ، كورولدىك جارلىقپەن ۇكىم ورىندالعان.
وقيعا ديپلوماتيالىق داۋ تۋعىزدى. بانگلادەشتىڭ جيددا قالاسىنداعى باس كونسۋلدىعى ءولىم جازاسىنىڭ ورىندالاتىنى تۋرالى الدىن الا حابار الماعانىن مالىمدەدى. وسىعان بايلانىستى ساۋد ارابياسىنىڭ سىرتقى ىستەر مينيسترلىگىنە رەسمي نوتا جولدانعان.
بانگلادەش تاراپى سوت پروتسەسىنىڭ جابىق وتۋىنە جانە ۇكىمنىڭ ورىندالۋىنا قاتىستى تۇسىنىكتەمە تالاپ ەتىپ وتىر.
كەيبىر باسىلىمداردىڭ جازۋىنشا، ەر ادام ايەلىنىڭ ماڭدايىنان سۇيگەنى ءۇشىن جازالانعان بولۋى مۇمكىن. الايدا بۇل اقپارات رەسمي تۇردە راستالعان جوق.
