فوتو: Olympic.kz
قازاقستاندىق شاڭعىمەن ترامپليننەن سەكىرۋشى دانيل ۆاسيلەۆ جازعى گران-ءپريدىڭ جالپى قورىتىندىسىندا ءۇشىنشى ورىنعا يە بولدى. بۇل ناتيجە ەلىمىزدىڭ وسى سپورت تۇرىندەگى تاريحي جەتىستىكتەرىنىڭ ءبىرى رەتىندە باعالانىپ وتىر، دەپ حابارلايدى "ادىرنا".
ۇلتتىق وليمپيادا كوميتەتىنىڭ مالىمەتىنشە، ماۋسىمنىڭ سوڭعى كەزەڭى گەرمانيانىڭ كلينگەنتال قالاسىندا ءوتتى. جارىس قورىتىندىسى بويىنشا دانيل ۆاسيلەۆ 201 ۇپاي جيناپ، جالپى ەسەپتە ۇزدىك ۇشتىككە ەندى.
باس جۇلدەنى 450 ۇپايمەن جاپونيالىق ناوكي ناكامۋرا يەلەندى. ال ەكىنشى ورىنعا 216 ۇپاي جيناعان اۆستريالىق دانيەل چوفەنيگ تۇراقتادى. شۆەيتساريالىق گرەگور دەشۆاندەن 196 ۇپايمەن ءتورتىنشى ساتىعا جايعاستى.
وسىلايشا، دانيل ۆاسيلەۆتىڭ جازعى گران-پري ماۋسىمىن ءۇشىنشى ورىنمەن اياقتاۋى قازاقستاننىڭ شاڭعىمەن ترامپليننەن سەكىرۋدەگى ماڭىزدى تاريحي ناتيجەسى بولدى.
