الماتى قالاسىنىڭ بوستاندىق اۋدانىنداعى قاراتاەۆ كوشەسىندە ءورت بولدى، دەپ حابارلايدى "ادىرنا".
وقيعا ورنىنان تۇسىرىلگەن ۆيدەودا قويۋ قارا ءتۇتىننىڭ كوككە كوتەرىلگەنى بايقالادى. ءورت AFD Plaza تۇرعىن ءۇي كەشەنىنىڭ ماڭىندا بولعان.
الماتى قالالىق تجد مالىمەتىنشە، ءورت 3 قاراشا كۇنى ساعات 15:50-دە تۇتانعان. وقيعا ورنىنا جەكە قۇرامنىڭ 23 قىزمەتكەرى مەن جەتى ارنايى تەحنيكا جۇمىلدىرىلدى.
العاشقى مالىمەت بويىنشا، ءورت جەكە تۇرعىن ءۇي اۋماعىندا شىققان. كەيىن ناقتىلانعان اقپاراتقا سايكەس، شارۋاشىلىق قۇرىلىسى وتقا ورانىپ، جالىن تۇرعىن ەمەس ۇيگە تاراعان. ءورتتىڭ جالپى اۋماعى 100 شارشى مەتردى قۇرادى.
توتەنشە جاعدايلار قىزمەتىنىڭ حابارلاۋىنشا، ءورت ساعات 16:17-دە وقشاۋلاندى. وقيعا سالدارىنان زارداپ شەككەندەر جوق.
ۇقساس جاڭالىقتار
