قازاقستان حوككەي فەدەراتسياسى ەلدىڭ رەسەيلىك حوككەيشىلەرگە بويكوت جاريالاۋدى قولدايتىنى تۋرالى الەۋمەتتىك جەلىلەردە تاراعان اقپاراتتىڭ شىندىققا جاناسپايتىنىن مالىمدەدى، دەپ حابارلايدى “ادىرنا”.
فەدەراتسيانىڭ حابارلاۋىنشا، سوڭعى ۋاقىتتا الەۋمەتتىك جەلىلەردە ورىس، چەح جانە اعىلشىن تىلدەرىندە قازاقستاننىڭ سپورت ءمينيسترى ەربول مىرزابوسىنوۆتىڭ اتىنان جالعان مالىمدەمەلەر تاراعان.
وسىعان بايلانىستى قازاقستان حوككەي فەدەراتسياسى رەسمي ۇستانىمىن ءبىلدىرىپ، ۇلتتىق قۇرامالاردى الەم چەمپيوناتتارىنا قاتىستىرۋ ماسەلەسى حالىقارالىق حوككەي فەدەراتسياسىنىڭ (IIHF) قۇزىرەتىنە جاتاتىنىن اتاپ ءوتتى.
سونىمەن قاتار قازاقستان تاراپى حالىقارالىق جارىستاردا بارلىق قاتىسۋشى ەلدەرگە تەڭ جاعداي جاسالۋى قاجەت دەپ ەسەپتەيدى.
وسىلايشا، فەدەراتسيا قازاقستاننىڭ رەسەيلىك حوككەيشىلەرگە بويكوت جاريالاۋدى قولدايتىنى تۋرالى اقپاراتتى جوققا شىعارىپ، ەلدىڭ ۇستانىمى سپورتتاعى ادىلدىك پەن تەڭ مۇمكىندىكتەر قاعيداتتارىنا نەگىزدەلەتىنىن جەتكىزدى.
كەلىسكەن رەسەي قارجىعا قاۋقارسىز بولىپ شىقتى ما؟ قازاقستان كوكشەتاۋدا ءوز بەتىمەن جەو سالۋعا كىرىستى
