فوتو جي كومەگىمەن جاسالعان
2027 جىلى مەديتسينالىق-سانيتاريالىق العاشقى كومەك كورسەتەتىن ۋچاسكەلىك قىزمەتتىڭ 77 مىڭنان استام مامانىنا ۇستەمەاقى تولەنەدى، دەپ حابارلايدى “ادىرنا”.
بۇل تۋرالى دەنساۋلىق ساقتاۋ ءمينيسترى اقمارال ءالنازاروۆا استانادا وتكەن مەديتسينالىق-سانيتاريالىق العاشقى كومەكتىڭ تيىمدىلىگىنە ارنالعان حالىقارالىق كونگرەستە ايتتى.
ءمينيستردىڭ ايتۋىنشا، بۇل باستاما مەملەكەت باسشىسىنىڭ تاپسىرماسى اياسىندا جۇزەگە اسىرىلادى. ۇستەمەاقى تولەۋگە جىل سايىن شامامەن 300 ملن اقش دوللارى بولىنەدى.
اقمارال ءالنازاروۆا ءتيىستى قارجىلاندىرۋدى رەسپۋبليكالىق بيۋدجەت كوميسسياسى بەكىتكەنىن اتاپ ءوتتى.
سونداي-اق ۇستەمەاقى مولشەرى مەديتسينا قىزمەتكەرىنىڭ ۇزدىكسىز ەڭبەك وتىلىنە بايلانىستى ەسەپتەلەتىنىن جەتكىزدى. ءمينيستردىڭ پىكىرىنشە، بۇل شارا مامانداردىڭ كاسىبي تاجىريبەسىن باعالاپ، ولاردى العاشقى مەديتسينالىق كومەك كورسەتۋ سالاسىندا تۇراقتاندىرۋعا مۇمكىندىك بەرەدى.
