جەتىسۋ وڭىرىندە سۇرانىستىڭ جوعارى بولۋىنا جانە جۇك كولىكتەرىنىڭ ۇلعايۋىنا بايلانىستى سولياركا ساۋداسى شەكتەلدى. بۇل تۋرالى وبلىس اكىمدىگى مالىمدەبى، دەپ حابارلادى “ادىرنا” ۇلتتىق پورتالى.
"وڭىردە جۇك كولىگىنىڭ كوبەيۋىنە جانە جولداردى جوندەۋگە بايلانىستى جانار-جاعارمايعا سۇرانىستىڭ ارتۋىنا بايلانىستى وسىنداي شەشىم قابىلداندى", - دەپ ءتۇسىندىردى وبلىس اكىمدىگى.
وبلىستا ديزەل وتىنى مەن بەنزين تاپشىلىعى جوق. الايدا، جۇك كولىگى جۇرگىزۋشىلەرى جانارماي ىزدەپ، ەش جەردەن تاپپاۋدا.
"قازاقستان" تەلەارناسىنىڭ حابارلاۋىنشپ، بيزەلدىك وتىن تەك تالون ارقىلى ساتىلادى. قازاقستاندا جانار-جاعارماي نارىعىن رەفورمالاۋ اياسىندا مۇناي ونىمدەرىن اۆتوموبيلمەن ەكسپورتتاۋعا تىيىم سالۋ مەرزىمىن جىل سوڭىنا دەيىن ۇزارتۋ تۋرالى بۇيرىق بار.
بۇعان دەيىن حابارلانعانداي، قازاقستاندا ديزەل وتىنىنا قاتىستى سارالانعان تاريف ەنگىزىلەدى. بۇل جانار-جاعارمايدى شەتەل ازاماتتارىنا قىمبات باعامەن ساتۋعا مۇمكىندىك بەرەدى.
شەكارا قىزمەتىنىڭ مالىمەتىنشە، قازاقستانعا تاۋلىگىنە 4,5 مىڭعا جۋىق جۇك كولىگى كىرسە، ونىڭ شامامەن 70%-ءى شەتەلدىك كولىكتەر.
”ادىرنا” ۇلتتىق پورتالى
