رەسەي قاۋىپسىزدىك كەڭەسىنىڭ حاتشىسى نيكولاي پاترۋشەۆ بيىل قازاقستان مەن وزبەكستاندا بولعان توتەنشە وقيعالار باتىستىڭ «ءتۇرلى-ءتۇستى رەۆوليۋتسيالارىن» ۇيىمداستىرۋ ارەكەتىنىڭ ناتيجەسى ەكەنىن ايتتى، دەپ حابارلايدى “ادىرنا” ۇلتتىق پورتالى.
«ءتۇرلى-ءتۇستى رەۆوليۋتسيالار ءالى كۇنگە دەيىن امەريكاندىق ۇلگىدەگى دەموكراتيانى العا جىلجىتۋدىڭ نەگىزگى قۇرالى بولىپ تابىلادى. ءبىزدىڭ ەلدەردە باتىستىقتاردىڭ ارانداتۋ ارەكەتتەرى تۇراقتى تۇردە بايقالادى. مىسالى، ءبىز قازاقستانداعى وقيعالاردى وسىلاي باعالايمىز. 2020 جىلى بەلارۋستە، قاڭتاردا قازاقستاندا جانە شىلدەدە وزبەكستان مەن قاراقالپاقستاندا»، - دەدى پاترۋشەۆ تاشكەنتتە شانحاي ىنتىماقتاستىق ۇيىمىنا (شىۇ) مۇشە ەلدەر قاۋىپسىزدىك كەڭەستەرى حاتشىلارىنىڭ 17-ءشى جىل سايىنعى وتىرىسىندا.
پاترۋشەۆتىڭ ءسوزىن رف قاۋىپسىزدىك كەڭەسى اپپاراتىنىڭ ءباسپاسوز قىزمەتى كەلتىرەدى.
“ادىرنا” ۇلتتىق پورتالى
