جامبىل وبلىسىنىڭ اكىمى نۇرجان نۇرجىگىتوۆتىڭ توراعالىعىمەن وڭىردەگى قۇرىلىس جانە تۇرعىن ءۇي-كوممۋنالدىق شارۋاشىلىق سالاسىنداعى وزەكتى ماسەلەلەر تۋرالى كەڭەس ءوتتى. باسقوسۋعا وبلىسىمىزعا جۇمىس ساپارىمەن كەلگەن قر يندۋستريا جانە ينفراقۇرىلىمدىق دامۋ ۆيتسە-ءمينيسترى ەركەبۇلان داۋىلباەۆ، اتالعان مينيسترلىككە قاراستى قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى باقىتجان جۇنىسبەكوۆ قاتىستى.
جيىندا الدىمەن باقىتجان جۇنىسبەكوۆ وبلىستاعى قۇرىلىس سالاسىنا قاتىستى بايانداما جاساپ، بىرقاتار ماڭىزدى جايتتارعا توقتالدى.
ونىڭ ايتۋىنشا، «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى اياسىندا اعىمداعى جىلى جامبىل وبلىسى بويىنشا تۇرعىن ءۇي جانە ينفراقۇرىلىم قۇرىلىسى بويىنشا 94 جوبانى ىسكە اسىرۋعا 31,7 ملرد. تەڭگە بولىنگەن. سونىڭ ەسەبىنەن 314,4 مىڭ شارشى مەتر الەۋمەتتىك تۇرعىن ءۇي (1 078 پاتەر) سالۋ، ونىڭ ىشىندە قۇرىلىس الاڭدارىن ينجەنەرلىك كوممۋنيكاتسيالارمەن جابدىقتاۋ بويىنشا 26 جوبانى ىسكە اسىرۋ جوسپارلانۋدا.
سونداي-اق، تۇرعىن ءۇي قورىن جاڭعىرتۋ اياسىندا اعىمداعى جىلى 50 كوپپاتەرلى تۇرعىن ۇيگە كۇردەلى جوندەۋ جۇرگىزۋگە 3,2 ملرد.تەڭگە باعىتتالعان.
- جامبىل وبلىسى بويىنشا 689 (التى ءجۇز سەكسەن توعىز) مىڭ شارشى مەتر، ونىڭ ىشىندە 430 ء(تورت ءجۇز وتىز) مىڭ شارشى مەتر جەكە قۇرىلىس سالۋ جوسپارلانۋدا،-دەگەن ن. جۇنىسبەكوۆ گازبەن، تازا اۋىز سۋمەن، جىلۋمەن جابدىقتاۋ، جەكە تۇرعىن ءۇي قۇرىلىسى ءۇشىن ينجەنەرلىك-كوممۋنيكاتسيالىق ينفراقۇرىلىم تارتۋ جۇمىستارىن دا تىلگە تيەك ەتىپ، وزەكتى ماسەلەلەردى دە اتاپ كورسەتتى.
كەلەسى كەزەكتە وبلىس اكىمدىگىنىڭ قۇرىلىس باسقارماسىنىڭ باسشىسى ەرلان ورىنباەۆ ءسوز الىپ، اتقارىلىپ جاتقان جۇمىستاردى باياندادى.
ول اعىمداعى جىلى قۇرىلىس باسقارماسى ارقىلى سمەتالىق قۇنى 187,0 ملرد. تەڭگە قۇرايتىن 207 جوباعا بيۋدجەتتەن 88,5 ملرد. تەڭگە ءبولىنىپ، ىسكە اسىرىلىپ جاتقانىن جەتكىزدى. ونىڭ 153-ءى وسى جىلى تاپسىرىلۋى ءتيىس، 54-ءى كەلەسى جىلعا وتپەلى.
اتالعان جوبالاردىڭ 112 نىسانى «نۇرلى جەر»، 43-ءى «اۋىل – ەل بەسىگى»، 30-ى «وڭىرلەردى دامىتۋ»، 3 نىسان قۇرىلىسى ۇكىمەت رەزەرۆىنەن جانە 19-ى ءبىلىم بەرۋ سۋبۆەنتسيالارى ەسەبىنەن قارجىلاندىرىلعان. جىل باسىنان بەرى 30 نىساننىڭ قۇرىلىسى اياقتالعان.
باسقارما باسشىسى قر يندۋستريا جانە ينفراقۇرىلىمدىق دامۋ مينيسترلىگىنەن جالعا بەرىلەتىن تۇرعىن ۇيلەردى سالۋدى رەسپۋبليكالىق بيۋدجەتتەن قارجىلاندىرۋدى جالعاستىرۋ، تۇرعىن ءۇي ساياساتىنىڭ جاڭا باعدارلاماسىندا جامبىل وبلىسىندا تۇرعىن ءۇي قۇرىلىسىنا ارنالعان 1 شارشى مەتر ءۇشىن ليميت قۇنىن 250 - 260 مىڭ تەڭگەگە كوتەرۋ جانە تاعى دا باسقا ماسەلەلەر بويىنشا ۇسىنىستارعا قولداۋ كورسەتۋدى سۇرادى.
وبلىس اكىمى نۇرجان نۇرجىگىتوۆ «نۇرلى جەر» باعدارلاماسى بويىنشا كرەديتتىك تۇرعىن ءۇيدىڭ 1 شارشى مەترىنىڭ قۇنى 160 مىڭ تەڭگە تومەن ليميتتەرىنە بايلانىستى قۇرىلىس كومپانيالارى تۇرعىن ءۇي قۇرىلىسىن سالۋعا قۇلشىنىس تانىتپاي، مەملەكەتتىك ساتىپ الۋ كونكۋرستارىنا قاتىسپاي وتىرعاندىعىن العا تارتتى.
ءوز كەزەگىندە ءسوز العان مەردىگەر كومپانيا باسشىلارى دا سوڭعى كەزدەرى قۇرىلىس ماتەريالدارىنىڭ باعاسى ايتارلىقتاي وسكەنىن، وبلىستىڭ سەيسميكالىق قاۋىپتى ايماقتا ورنالاسقاندىعىن، ول دا قوسىمشا تالاپتاردى قاجەت ەتەتىنىن باسا ايتتى.
قر يندۋستريا جانە ينفراقۇرىلىمدىق دامۋ ۆيتسە-ءمينيسترى ەركەبۇلان داۋىلباەۆ بارلىق ۇسىنىستار نازارعا الىنىپ، سارالاناتىنىن اتاپ ءوتتى. سونداي-اق، ۆيتسە-مينيستر تۇرعىن ءۇي قۇرىلىسىنا ارنالعان 1 شارشى مەتر ءۇشىن ليميت قۇنىن 250 - 260 مىڭ تەڭگەگە كوتەرۋ ءىسى تالداۋدى قاجەت ەتەتىنىن جەتكىزدى. سەبەبى، پاتەرلەردى وتكەرۋ كەزىندە تۇرعىنداردىڭ الۋ مۇمكىندىگىن دە ەسكەرۋ كەرەكتىگىنە كوڭىل ءبولدى. دەگەنمەن، «وتباسى بانك» اق جامبىل وبلىسى بويىنشا فيليالىمەن تالداۋ جۇرگىزە وتىرىپ، حالىقتىڭ مۇمكىنشىلىگىنە سايكەس ليميت قۇنىن 180-200 مىڭ تەڭگەگە بەكىتۋ ماسەلەسى نازارعا الىناتىنىن تىلگە تيەك ەتتى.
باسقوسۋ بارىسىندا وبلىس اكىمدىگىنىڭ ەنەرگەتيكا جانە تۇرعىن-ءۇي كوممۋنالدىق شارۋاشىلىعى باسقارماسى باسشىسىنىڭ ورىنباسارى ءجانادىل ايتبەكوۆ تە سالاداعى جۇمىستاردى باياندادى.
نۇرجان نۇرجىگىتوۆ وبلىستا ارنايى جۇمىس توبى قۇرىلىپ، ەكى اپتا ىشىندە وڭىردەگى قۇرىلىس جانە تۇرعىن ءۇي-كوممۋنالدىق شارۋاشىلىق سالاسىنداعى ماڭىزدى جايتتارعا قاتىستى مينيسترلىككە ءتيىستى ۇسىنىستار ازىرلەنەتىنىن اتاپ ءوتتى.
ءوز كەزەگىندە ەركەبۇلان داۋىلباەۆ اپتا سايىن مينيسترلىكپەن «ZOOM»-ونلاين فورماتتا سالاعا قاتىستى جيىن وتەتىنىن حابارلاپ، وعان مەردىگەر كومپانيا وكىلدەرىن بەلسەندى قاتىسۋعا، ۇسىنىس-پىكىرلەرىن ءبىلدىرىپ وتىرۋعا شاقىردى.
