Jambyl oblysynda qūrylys salasynda 207 jobany jüzege asyruǧa qarjy bölıngen

Jambyl oblysynyŋ äkımı Nūrjan Nūrjıgıtovtıŋ töraǧalyǧymen öŋırdegı qūrylys jäne tūrǧyn üi-kommunaldyq şaruaşylyq salasyndaǧy özektı mäseleler turaly keŋes öttı. Basqosuǧa oblysymyzǧa jūmys saparymen kelgen QR İndustriia jäne infraqūrylymdyq damu vise-ministrı Erkebūlan Dauylbaev, atalǧan ministrlıkke qarasty qūrylys jäne tūrǧyn üi-kommunaldyq şaruaşylyq ısterı komitetı töraǧasynyŋ orynbasary Baqytjan Jünısbekov qatysty. Jiynda aldymen Baqytjan Jünısbekov oblystaǧy qūrylys salasyna qatysty baiandama jasap, bırqatar maŋyzdy jaittarǧa toqtaldy. Onyŋ aituynşa, «Quatty öŋırler – el damuynyŋ draiverı» ūlttyq jobasy aiasynda aǧymdaǧy jyly Jambyl oblysy boiynşa tūrǧyn üi jäne infraqūrylym qūrylysy boiynşa 94 jobany ıske asyruǧa 31,7 mlrd. teŋge bölıngen. Sonyŋ esebınen 314,4 myŋ şarşy metr äleumettık tūrǧyn üi (1 078 päter) salu, onyŋ ışınde qūrylys alaŋdaryn injenerlık kommunikasiialarmen jabdyqtau boiynşa 26 jobany ıske asyru josparlanuda. Sondai-aq, tūrǧyn üi qoryn jaŋǧyrtu aiasynda aǧymdaǧy jyly 50 köppäterlı tūrǧyn üige kürdelı jöndeu jürgızuge 3,2 mlrd.teŋge baǧyttalǧan. - Jambyl oblysy boiynşa 689 (alty jüz seksen toǧyz) myŋ şarşy metr, onyŋ ışınde 430 (tört jüz otyz) myŋ şarşy metr jeke qūrylys salu josparlanuda,-degen N. Jünısbekov gazben, taza auyz sumen, jylumen jabdyqtau, jeke tūrǧyn üi qūrylysy üşın injenerlık-kommunikasiialyq infraqūrylym tartu jūmystaryn da tılge tiek etıp, özektı mäselelerdı de atap körsettı. Kelesı kezekte oblys äkımdıgınıŋ qūrylys basqarmasynyŋ basşysy Erlan Orynbaev söz alyp, atqarylyp jatqan jūmystardy baiandady. Ol aǧymdaǧy jyly qūrylys basqarmasy arqyly smetalyq qūny 187,0 mlrd. teŋge qūraityn 207 jobaǧa biudjetten 88,5 mlrd. teŋge bölınıp, ıske asyrylyp jatqanyn jetkızdı. Onyŋ 153-ı osy jyly tapsyryluy tiıs, 54-ı kelesı jylǧa ötpelı. Atalǧan jobalardyŋ 112 nysany «Nūrly jer», 43-ı «Auyl – El besıgı», 30-y «Öŋırlerdı damytu», 3 nysan qūrylysy Ükımet rezervınen jäne 19-y bılım beru subvensiialary esebınen qarjylandyrylǧan. Jyl basynan berı 30 nysannyŋ qūrylysy aiaqtalǧan. Basqarma basşysy QR İndustriia jäne infraqūrylymdyq damu ministrlıgınen jalǧa berıletın tūrǧyn üilerdı saludy respublikalyq biudjetten qarjylandyrudy jalǧastyru, tūrǧyn üi saiasatynyŋ jaŋa baǧdarlamasynda Jambyl oblysynda tūrǧyn üi qūrylysyna arnalǧan 1 şarşy metr üşın limit qūnyn 250 - 260 myŋ teŋgege köteru jäne taǧy da basqa mäseleler boiynşa ūsynystarǧa qoldau körsetudı sūrady. Oblys äkımı Nūrjan Nūrjıgıtov «Nūrly jer» baǧdarlamasy boiynşa kredittık tūrǧyn üidıŋ 1 şarşy metrınıŋ qūny 160 myŋ teŋge tömen limitterıne bailanysty qūrylys kompaniialary tūrǧyn üi qūrylysyn saluǧa qūlşynys tanytpai, memlekettık satyp alu konkurstaryna qatyspai otyrǧandyǧyn alǧa tartty. Öz kezegınde söz alǧan merdıger kompaniia basşylary da soŋǧy kezderı qūrylys materialdarynyŋ baǧasy aitarlyqtai öskenın, oblystyŋ seismikalyq qauıptı aimaqta ornalasqandyǧyn, ol da qosymşa talaptardy qajet etetının basa aitty. QR İndustriia jäne infraqūrylymdyq damu vise-ministrı Erkebūlan Dauylbaev barlyq ūsynystar nazarǧa alynyp, saralanatynyn atap öttı. Sondai-aq, vise-ministr tūrǧyn üi qūrylysyna arnalǧan 1 şarşy metr üşın limit qūnyn 250 - 260 myŋ teŋgege köteru ısı taldaudy qajet etetının jetkızdı. Sebebı, päterlerdı ötkeru kezınde tūrǧyndardyŋ alu mümkındıgın de eskeru kerektıgıne köŋıl böldı. Degenmen, «Otbasy bank» AQ Jambyl oblysy boiynşa filialymen taldau jürgıze otyryp, halyqtyŋ mümkınşılıgıne säikes limit qūnyn 180-200 myŋ teŋgege bekıtu mäselesı nazarǧa alynatynyn tılge tiek ettı. Basqosu barysynda oblys äkımdıgınıŋ energetika jäne tūrǧyn-üi kommunaldyq şaruaşylyǧy basqarmasy basşysynyŋ orynbasary Janädıl Aitbekov te saladaǧy jūmystardy baiandady. Nūrjan Nūrjıgıtov oblysta arnaiy jūmys toby qūrylyp, ekı apta ışınde öŋırdegı qūrylys jäne tūrǧyn üi-kommunaldyq şaruaşylyq salasyndaǧy maŋyzdy jaittarǧa qatysty ministrlıkke tiıstı ūsynystar äzırlenetının atap öttı. Öz kezegınde Erkebūlan Dauylbaev apta saiyn ministrlıkpen «ZOOM»-onlain formatta salaǧa qatysty jiyn ötetının habarlap, oǧan merdıger kompaniia ökılderın belsendı qatysuǧa, ūsynys-pıkırlerın bıldırıp otyruǧa şaqyrdy.