2011 جىلدىڭ 28 قاڭتارىندا ەلىمىزدە «مەدياتسيا تۋرالى» زاڭ قابىلداندى. جالپى، مەدياتسيا – داۋدى شەشۋدىڭ ءتيىمدى جولى. ءوز زامانىندا احمەت بايتۇرسىنوۆ: «ءادىل بيلەردىڭ قولىنداعى بيلىك — قازاقتىڭ نەشە ءتۇرلى دەرتىن جازاتىن جاقسى ءدارى ەدى…» دەگەن ءسوزى ەل اراسىندا وسى زاڭنىڭ قادىر-قاسيەتىن ايقىنداپ تۇرعانداي.
جامبىل وبلىسى كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق
سوتىنىڭ ءباسپاسوز قىزمەتىنىڭ حابارلاۋىنشا، جۋىردا يۋۆەنالدى سوتتا بالانىڭ تۇرعىلىقتى جەرىن ايقىنداۋ تۋرالى انىقتاۋ جونىندە ازاماتتىق ءىس بويىنشا تاراپتار سوت مەدياتيۆتىك كەلىسىمگە كەلۋ ارقىلى اياقتالدى. جامبىل وبلىسى كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنا تالاپ قويۋشى ا كامەلەتكە تولماعان ەكى بالاسىنىڭ تۇرعىلىقتى جەرىن وزىمەن بىرگە ايقىنداۋ تۋرالى جۇگىنگەن. سەبەبى ول ءوزىنىڭ تالاپ قويۋىندا جاۋاپكەر ج تۇرىك رەسپۋبليكاسىنا جۇمىس جاساۋعا كەتىپ، بالالارىن اتا-اناسىنا تاربيەلەۋگە قالدىرىپ كەتكەن.
سوت وتىرىسى بارىسىندا تاراپتار مەدياتيۆتىك كەلىسىمگە كەلە الدى. جاۋاپكەر ج-نىڭ تۇرىك رەسپۋبليكاسىندا بولعاندا كامەلەتكە تولماعان بالالارى جاۋاپكەردىڭ اتا-اناسىمەن بىرگە تۇرادى. الايدا جاۋاپكەر ج-نىڭ قازاقستان رەسپۋبليكاسىنا كەلگەننەن كەيىن بالالار ونىمەن بىرگە تۇرادى، ال تالاپ قويۋشى ا كامەلەتكە تولماعان بالالارمەن مەكتەپ، كۇزگى، قىسقى، كوكتەمگى دەمالىس كەزىندە ءوزىنىڭ تۇرعىلىقتى جەرى بويىنشا كورىسىپ، ارالاسىپ تۇرادى. وسىلايشا، ول دەمالىس ۋاقىتىندا ءوزىنىڭ تۇرعىلىقتى جەرى بويىنشا بالالارمەن كەزدەسىپ جانە جازعى دەمالىس كەزىندە بالالارمەن 1 ايدىڭ 15 كۇنىن الىپ كەتۋ ارقىلى كورىسىپ، ارالاسىپ تۇراتىن بولدى.
سوت ۇيعارىمىمەن تاراپتار اراسىنداعى مەدياتيۆتىك كەلىسىم بەكىتىلىپ، ءىس جۇرگىزۋ توقتاتىلدى. ءىس بويىنشا تاراپتار مەدياتيۆتىك كەلىسىمگە كەلگەندىكتەن، 1532 تەڭگە مولشەرىندە تولەنگەن مەملەكەتتىك باج تالاپ قويۋشى ا-عا قايتارىلدى. سوت ۇيعارىمىمەن داۋدى مەدياتسيا تارتىبىمەن رەتتەۋ تۋرالى كەلىسىم بەكىتىلدى جانە بالانىڭ تۇرعىلىقتى جەرىن ايقىنداۋ تۋرالى ازاماتتىق ءىس بويىنشا ءىس جۇرگىزۋ توقتاتىلدى.
ۇيعارىم زاڭدى كۇشىنە ەنگەن جوق.
