2011 jyldyń 28 qańtarynda elimizde «Medıaııa týraly» Zań qabyldandy. Jalpy, medıaııa – daýdy sheshýdiń tıimdi joly. Óz zamanynda Ahmet Baıtursynov: «Ádil bılerdiń qolyndaǵy bılik — qazaqtyń neshe túrli dertin jazatyn jaqsy dári edi…» degen sózi el arasynda osy zańnyń qadir-qasıetin aıqyndap turǵandaı.
Jambyl oblysy kámeletke tolmaǵandardyń isteri jónindegi mamandandyrylǵan aýdanaralyq
sotynyń baspasóz qyzmetiniń habarlaýynsha, jýyrda ıývenaldy sotta balanyń turǵylyqty jerin aıqyndaý týraly anyqtaý jóninde azamattyq is boıynsha taraptar sot medıatıvtik kelisimge kelý arqyly aıaqtaldy. Jambyl oblysy kámeletke tolmaǵandardyń isteri jónindegi mamandandyrylǵan aýdanaralyq sotyna talap qoıýshy A kámeletke tolmaǵan eki balasynyń turǵylyqty jerin ózimen birge aıqyndaý týraly júgingen. Sebebi ol óziniń talap qoıýynda jaýapker J Túrik Respýblıkasyna jumys jasaýǵa ketip, balalaryn ata-anasyna tárbıeleýge qaldyryp ketken.
Sot otyrysy barysynda taraptar medıatıvtik kelisimge kele aldy. Jaýapker J-nyń Túrik Respýblıkasynda bolǵanda kámeletke tolmaǵan balalary jaýapkerdiń ata-anasymen birge turady. Alaıda jaýapker J-nyń Qazaqstan Respýblıkasyna kelgennen keıin balalar onymen birge turady, al talap qoıýshy A kámeletke tolmaǵan balalarmen mektep, kúzgi, qysqy, kóktemgi demalys kezinde óziniń turǵylyqty jeri boıynsha kórisip, aralasyp turady. Osylaısha, ol demalys ýaqytynda óziniń turǵylyqty jeri boıynsha balalarmen kezdesip jáne jazǵy demalys kezinde balalarmen 1 aıdyń 15 kúnin alyp ketý arqyly kórisip, aralasyp turatyn boldy.
Sot uıǵarymymen taraptar arasyndaǵy medıatıvtik kelisim bekitilip, is júrgizý toqtatyldy. Is boıynsha taraptar medıatıvtik kelisimge kelgendikten, 1532 teńge mólsherinde tólengen memlekettik baj talap qoıýshy A-ǵa qaıtaryldy. Sot uıǵarymymen daýdy medıaııa tártibimen retteý týraly kelisim bekitildi jáne balanyń turǵylyqty jerin aıqyndaý týraly azamattyq is boıynsha is júrgizý toqtatyldy.
Uıǵarym zańdy kúshine engen joq.
