سوناۋ 1992 جىلى 18 تامىزدا «شەكارا اسكەرلەرىن قۇرۋ تۋرالى» پرەزيدەنت جارلىعىنا قول قويىلعان بولاتىن دەسەك، اعىمداعى جىلى شەكارا قىزمەتىنىڭ قۇرىلعانىنا 30 جىل تولىپ وتىر. وسىناۋ جىلدار بەلەسىندە ەلىمىزدىڭ شەكارا قىزمەتى نىعايىپ، جەتىلە ءتۇستى. ءوزىنىڭ 30 جىلدىق بەلەسىنە ەلەۋلى جەتىستىكتەرمەن جەتكەن شەكاراشىلار ءتول مەرەكەسىن سالتاناتتى ءىس-شارامەن اتاپ ءوتتى.
سالتاناتتى شارا شەكارا قىزمەتى وبلىس بويىنشا دەپارتامەنتىنىڭ جاڭا عيماراتىنىڭ الدىندا وتكەن جيىنمەن باستالدى. ەلدىڭ شەتىندە، جەلدىڭ وتىندە جۇرگەن ساربازداردى قر ۇلتتىق قاۋىپسىزدىك كوميتەتىنىڭ شەكارا قىزمەتى وبلىس بويىنشا دەپارتامەنتىنىڭ باستىعى، گەنەرال-مايور مۇحتار سابيدولدانوۆ، قاۋىپسىزدىك كوميتەتىنىڭ ارداگەرى نۇرجان سەڭگىرباەۆ، «جامبىل وبلىسى اۋعان سوعىسى ارداگەرلەرى» قوعامدىق بىرلەستىگىنىڭ توراعاسى دۇكەنباي ەرمەكباەۆ قۇتتىقتاپ، ىزگى تىلەكتەرىن ءبىلدىردى. بۇدان كەيىن جيىنعا قاتىسۋشىلار اسكەري بورىشىن وتەۋ كەزىندە قازا بولعان قىزمەتكەرلەردى ەسكە الىپ، بەيبىت كۇننىڭ باتىرلارىنا ارنالعان قۇرمەت تاقتايشاسىنا گۇل شوقتارىن قويدى.
– بۇگىن شەكارا قىزمەتىنىڭ قۇرىلعان كۇنىن اتاپ ءوتىپ جاتىرمىز. ءبىز وسىنداي ءىس-شارالاردىڭ الدىندا ەڭ الدىمەن قىزمەتتىك مىندەتىن اتقارۋ كەزىندە شەيىت بولعان ارىپتەستەرىمىزدى ەسكە الامىز. دەپارتامەنتتىڭ وسى جاڭا عيماراتى سالىنعاندا قازا بولعاندارعا ارنالعان ەسكەرتكىش ورناتىلعان بولاتىن. تاقتايشادا 2012 جىلى اۋە اپاتىندا قايتىس بولعان اسكەري قىزمەتشىلەردىڭ، تاراز، مەركى جانە قورداي شەكارا جاساقتارىنىڭ كومانديرلەرى بولعان ازاماتتاردىڭ ەسىمدەرى جازىلعان. ماسەلەن، 2001 جىلى كاپيتان قاجىمۇقان داۋىرباەۆ اۋە اپاتىنان قايتىس بولعان ەدى. سودان 20 جىل وتكەننەن كەيىن ونىڭ اكە جولىن قۋعان ۇشقىش ۇلى، اعا لەيتەنانت مۇحتار ساعىمباەۆ قايتىس بولدى. اكەلى-بالالى ۇشقىشتاردىڭ دا اتتارى وسىندا ماڭگىلىك تاسقا جازىلعان. ولاردىڭ ەرلىكتەرى جاس ۇرپاققا ۇلگى بولىپ قالا بەرمەك، - دەيدى دەپارتامەنت باستىعىنىڭ تاربيەلىك-يدەولوگيالىق جانە كادرلىق جۇمىستار جونىندەگى ورىنباسارى، پولكوۆنيك سايات شۋباەۆ.
شەكاراشىلاردىڭ كاسىبي مەرەكەسىنە ارنالعان ءىس-شارا اسقار توقپانوۆ اتىنداعى دراما تەاترىندا جالعاستى. ەل تىنىشتىعىن ساقتاپ، كۇندىز-ءتۇنى كۇزەتتە تۇرعان، وتانى مەن ەلىنىڭ شەكاراسىن ساقتاپ، قورعاۋ ءۇشىن جاۋاپكەرشىلىكتى موينىنا العان شەكاراشىلاردى وبلىس اكىمىنىڭ ءبىرىنشى ورىنباسارى نۇرجان كالەندەروۆ قۇتتىقتادى.
– قۇرمەتتى شەكاراشىلار، قىمباتتى ارداگەرلەر! سىزدەردى بۇگىنگى كاسىبي مەرەكەلەرىڭىزبەن شىن جۇرەكتەن قۇتتىقتايمىن. ەل اۋماعىنىڭ تۇتاستىعى مەن قوعامنىڭ قاۋىپسىزدىگىن قامتاماسىز ەتۋدە سىزدەرگە جۇكتەلگەن جاۋاپكەرشىلىك جۇگى وتە اۋىر. بۇل مىندەتتى ابىرويمەن اتقارىپ، تاۋەلسىزدىك تۇعىرىن بيىكتەتۋگە سۇبەلى ۇلەس قوسىپ كەلەسىزدەر. شەكارا قىزمەتىنىڭ جامبىل وبلىسى بويىنشا دەپارتامەنتى 2020 جىلى ساۋىردە قۇرىلعان ۋاقىتتان باستاپ وزىنە جۇكتەلگەن مىندەتتەردى قىراعىلىقپەن جانە ابىرويمەن اتقارۋدا. شەكاراشىلاردى مەملەكەت تاراپىنان قولداۋ شارالارى دا تۇراقتى جۇرگىزىلىپ كەلەدى. بۇل باعىتتا شەكارا قىزمەتىنىڭ وبلىستاعى دەپارتامەنتىنە بيىل جاڭا اكىمشىلىك عيماراتى قولدانىسقا بەرىلگەنىن ايتۋعا بولادى. وبلىسىمىزدىڭ قىرعىز رەسپۋبليكاسىمەن مەملەكەتتىك شەكاراسىنىڭ ۇزىندىعى 719 شاقىرىمدى قۇرايدى. بۇگىنگى تاڭدا 8 باقىلاۋ-وتكىزۋ بەكەتى جانە 4 قوسىمشا بەكەت جۇمىس اتقارادى. وسى اۋماقتا بوتەن ادامداردىڭ مەملەكەتتىك شەكارادان زاڭسىز ءوتىپ كەتپەۋىن قامتاماسىز ەتۋ جۇمىستارىن شەكاراشىلار ءمىنسىز اتقارۋدا. ەندەشە، ەلىمىزدىڭ اۋماقتىق تۇتاستىعىن قامتاماسىز ەتۋدەگى قىزمەتتەرىڭىز اسقاقتاي بەرسىن. تاۋەلسىز وتانىمىزدىڭ شەكاراسى بەرىك بولسىن!
بۇدان كەيىن نۇرجان ءسابيتۇلى مەملەكەتتىك شەكارانى كۇزەتۋدەگى اسكەري مىندەتتەرىن ۇلگىلى ورىنداعانى ءۇشىن جانە كاسىبي مەرەكەگە وراي ەكىنشى دارەجەلى كاپيتان ەرحات رافيكوۆ پەن مايور نۇرجان قىدىرباەۆتى وبلىس اكىمىنىڭ قۇرمەت گراموتاسىمەن ماراپاتتاپ، سەرجانت عاني جانىبەكوۆكە وبلىس اكىمىنىڭ «العىس حاتىن» تابىستادى. ال وبلىستىق ءماسليحاتتىڭ حاتشىسى ماحمەتعالي سارىبەكوۆ ءبىر توپ ۇزدىك شەكاراشىلارعا وبلىستىڭ قۇرمەت گراموتاسىن تاپسىردى.
شەكاراشىلاردى وبلىستىڭ زاڭدىلىقتى، قۇقىقتىق ءتارتىپتى جانە قىلمىسقا قارسى كۇرەستى قامتاماسىز ەتۋ جونىندەگى ۇيلەستىرۋ كەڭەسىنىڭ توراعاسى، وبلىس پروكۋرورى نۇرعالىم ءابدىروۆ قۇتتىقتاپ، ىزگى تىلەگىن ءبىلدىردى. شەكارا قىزمەتى وبلىس بويىنشا دەپارتامەنتىنىڭ باستىعى، گەنەرال-مايور مۇحتار سابيدولدانوۆ ءوز سالاسى بويىنشا اتقارىلىپ جاتقان جۇمىستارعا توقتالىپ، اسكەري مىندەتى مەن انتىنا ادال ارىپتەستەرىنە العىس ايتتى. الداعى ۋاقىتتا دا مەملەكەتتىك شەكارانىڭ قاۋىپسىزدىگىن قامتاماسىز ەتەتىندىكتەرىنە سەنىم بىلدىرە وتىرىپ، ۇلتتىق قاۋىپسىزدىك كوميتەتىنىڭ توراعاسى ە. ساعىمباەۆتىڭ بۇيرىعىمەن ءبىر توپ شەكاراشىلاردى ماراپاتتادى. بۇل كۇنى ادىلەت پودپولكوۆنيگى قۋانىش بەكمانوۆ پەن مايور بەك بايماحانوۆ «شەكارانى ۇزدىك كۇزەتكەنى ءۇشىن» مەدالىن تاعىپ، كاپيتان ەلدوس قادىروۆ باعالى سىيلىققا يە بولدى. پودپولكوۆنيكتەر ءدىلمۇراد ابدراحمانوۆ، بەكتاس ورالبەكوۆ، پيدايات ۋشۋروۆكە، مايورلار ازامات جولداسباەۆ، نۇرجان قىنىرباەۆقا، كاپيتان راسۋل سلامبەكوۆكە مەملەكەتتىك شەكارا شەبىن سەنىمدى كۇزەتۋ ىسىندە ءوزىنىڭ قىزمەتتىك مىندەتتەرىن ادال اتقارعانى ءۇشىن ۇلتتىق قاۋىپسىزدىك كوميتەتى توراعاسىنىڭ العىسى جاريالاندى. تاعى ءبىر توپ شەكاراشى «قازاقستان ۇلتتىق قاۋىپسىزدىك كوميتەتىنە – 30 جىل» مەرەكەلىك مەدالىنە، ۇقك توراعاسىنىڭ ورىنباسارى-شەكارا قىزمەتى ديرەكتورىنىڭ جانە وبلىس بويىنشا دەپارتامەنت باستىعىنىڭ «العىس حاتتارىنا» يە بولدى. جالپى بۇل كۇنى 11 قىزمەتكەر ۇلتتىق قاۋىپسىزدىك كوميتەتى توراعاسىنىڭ، 109 قىزمەتكەر شەكارا ديرەكتورىنىڭ، ال 611 قىزمەتكەر وبلىستىق دەپارتامەنت باستىعىنىڭ ءتۇرلى ماراپاتىن يەلەندى.
