Sonau 1992 jyly 18 tamyzda «Şekara äskerlerın qūru turaly» Prezident jarlyǧyna qol qoiylǧan bolatyn desek, aǧymdaǧy jyly Şekara qyzmetınıŋ qūrylǧanyna 30 jyl tolyp otyr. Osynau jyldar belesınde elımızdıŋ şekara qyzmetı nyǧaiyp, jetıle tüstı. Özınıŋ 30 jyldyq belesıne eleulı jetıstıktermen jetken şekaraşylar töl merekesın saltanatty ıs-şaramen atap öttı.
Saltanatty şara Şekara qyzmetı oblys boiynşa departamentınıŋ jaŋa ǧimaratynyŋ aldynda ötken jiynmen bastaldy. Eldıŋ şetınde, jeldıŋ ötınde jürgen sarbazdardy QR Ūlttyq qauıpsızdık komitetınıŋ Şekara qyzmetı oblys boiynşa departamentınıŋ bastyǧy, general-maior Mūhtar Sabidoldanov, qauıpsızdık komitetınıŋ ardagerı Nūrjan Seŋgırbaev, «Jambyl oblysy Auǧan soǧysy ardagerlerı» qoǧamdyq bırlestıgınıŋ töraǧasy Dükenbai Ermekbaev qūttyqtap, ızgı tılekterın bıldırdı. Būdan keiın jiynǧa qatysuşylar äskeri boryşyn öteu kezınde qaza bolǧan qyzmetkerlerdı eske alyp, beibıt künnıŋ batyrlaryna arnalǧan Qūrmet taqtaişasyna gül şoqtaryn qoidy.
– Bügın Şekara qyzmetınıŋ qūrylǧan künın atap ötıp jatyrmyz. Bız osyndai ıs-şaralardyŋ aldynda eŋ aldymen qyzmettık mındetın atqaru kezınde şeiıt bolǧan ärıptesterımızdı eske alamyz. Departamenttıŋ osy jaŋa ǧimaraty salynǧanda qaza bolǧandarǧa arnalǧan eskertkış ornatylǧan bolatyn. Taqtaişada 2012 jyly äue apatynda qaitys bolǧan äskeri qyzmetşılerdıŋ, Taraz, Merkı jäne Qordai şekara jasaqtarynyŋ komandirlerı bolǧan azamattardyŋ esımderı jazylǧan. Mäselen, 2001 jyly kapitan Qajymūqan Dauyrbaev äue apatynan qaitys bolǧan edı. Sodan 20 jyl ötkennen keiın onyŋ äke jolyn quǧan ūşqyş ūly, aǧa leitenant Mūhtar Saǧymbaev qaitys boldy. Äkelı-balaly ūşqyştardyŋ da attary osynda mäŋgılık tasqa jazylǧan. Olardyŋ erlıkterı jas ūrpaqqa ülgı bolyp qala bermek, - deidı departament bastyǧynyŋ tärbielık-ideologiialyq jäne kadrlyq jūmystar jönındegı orynbasary, polkovnik Saiat Şubaev.
Şekaraşylardyŋ käsıbi merekesıne arnalǧan ıs-şara Asqar Toqpanov atyndaǧy drama teatrynda jalǧasty. El tynyştyǧyn saqtap, kündız-tünı küzette tūrǧan, Otany men elınıŋ şekarasyn saqtap, qorǧau üşın jauapkerşılıktı moinyna alǧan şekaraşylardy oblys äkımınıŋ bırınşı orynbasary Nūrjan Kalenderov qūttyqtady.
– Qūrmettı şekaraşylar, qymbatty ardagerler! Sızderdı bügıngı käsıbi merekelerıŋızben şyn jürekten qūttyqtaimyn. El aumaǧynyŋ tūtastyǧy men qoǧamnyŋ qauıpsızdıgın qamtamasyz etude sızderge jüktelgen jauapkerşılık jügı öte auyr. Būl mındettı abyroimen atqaryp, Täuelsızdık tūǧyryn biıktetuge sübelı üles qosyp kelesızder. Şekara qyzmetınıŋ Jambyl oblysy boiynşa departamentı 2020 jyly säuırde qūrylǧan uaqyttan bastap özıne jüktelgen mındetterdı qyraǧylyqpen jäne abyroimen atqaruda. Şekaraşylardy memleket tarapynan qoldau şaralary da tūraqty jürgızılıp keledı. Būl baǧytta şekara qyzmetınıŋ oblystaǧy departamentıne biyl jaŋa äkımşılık ǧimaraty qoldanysqa berılgenın aituǧa bolady. Oblysymyzdyŋ Qyrǧyz respublikasymen memlekettık şekarasynyŋ ūzyndyǧy 719 şaqyrymdy qūraidy. Bügıngı taŋda 8 baqylau-ötkızu beketı jäne 4 qosymşa beket jūmys atqarady. Osy aumaqta böten adamdardyŋ memlekettık şekaradan zaŋsyz ötıp ketpeuın qamtamasyz etu jūmystaryn şekaraşylar mınsız atqaruda. Endeşe, elımızdıŋ aumaqtyq tūtastyǧyn qamtamasyz etudegı qyzmetterıŋız asqaqtai bersın. Täuelsız Otanymyzdyŋ şekarasy berık bolsyn!
Būdan keiın Nūrjan Säbitūly memlekettık şekarany küzetudegı äskeri mındetterın ülgılı oryndaǧany üşın jäne käsıbi merekege orai ekınşı därejelı kapitan Erhat Rafikov pen maior Nūrjan Qydyrbaevty oblys äkımınıŋ Qūrmet gramotasymen marapattap, serjant Ǧani Jänıbekovke oblys äkımınıŋ «Alǧys hatyn» tabystady. Al oblystyq mäslihattyŋ hatşysy Mahmetǧali Sarybekov bır top üzdık şekaraşylarǧa oblystyŋ Qūrmet gramotasyn tapsyrdy.
Şekaraşylardy oblystyŋ zaŋdylyqty, qūqyqtyq tärtıptı jäne qylmysqa qarsy kürestı qamtamasyz etu jönındegı üilestıru keŋesınıŋ töraǧasy, oblys prokurory Nūrǧalym Äbdırov qūttyqtap, ızgı tılegın bıldırdı. Şekara qyzmetı oblys boiynşa departamentınıŋ bastyǧy, general-maior Mūhtar Sabidoldanov öz salasy boiynşa atqarylyp jatqan jūmystarǧa toqtalyp, äskeri mındetı men antyna adal ärıptesterıne alǧys aitty. Aldaǧy uaqytta da memlekettık şekaranyŋ qauıpsızdıgın qamtamasyz etetındıkterıne senım bıldıre otyryp, Ūlttyq qauıpsızdık komitetınıŋ töraǧasy E. Saǧymbaevtyŋ būiryǧymen bır top şekaraşylardy marapattady. Būl künı ädılet podpolkovnigı Quanyş Bekmanov pen maior Bek Baimahanov «Şekarany üzdık küzetkenı üşın» medalın taǧyp, kapitan Eldos Qadırov baǧaly syilyqqa ie boldy. Podpolkovnikter Dılmūrad Abdrahmanov, Bektas Oralbekov, Pidaiat Uşurovke, maiorlar Azamat Joldasbaev, Nūrjan Qynyrbaevqa, kapitan Rasul Slambekovke memlekettık şekara şebın senımdı küzetu ısınde özınıŋ qyzmettık mındetterın adal atqarǧany üşın Ūlttyq qauıpsızdık komitetı töraǧasynyŋ Alǧysy jariialandy. Taǧy bır top şekaraşy «Qazaqstan Ūlttyq qauıpsızdık komitetıne – 30 jyl» merekelık medalıne, ŪQK töraǧasynyŋ orynbasary-Şekara qyzmetı direktorynyŋ jäne oblys boiynşa departament bastyǧynyŋ «Alǧys hattaryna» ie boldy. Jalpy būl künı 11 qyzmetker Ūlttyq qauıpsızdık komitetı töraǧasynyŋ, 109 qyzmetker Şekara direktorynyŋ, al 611 qyzmetker oblystyq departament bastyǧynyŋ türlı marapatyn ielendı.
