جامبىلدىق پوليتسەيلەر العاشقى دوزادان-اق تاۋەلدىلىككە اكەپ سوعاتىن ەسىرتكىنىڭ ەڭ اۋىر تۇرلەرىنىڭ ءبىرى گەروين ساتۋمەن اينالىسقان كۇدىكتىنى ۇستاعان بەينەجازبانى جاريالادى. كۇدىكتى ۇزاق ۋاقىت بويى وبلىس ورتالىعىنىڭ اۋماعىندا اسا ءىرى مولشەردە گەروين وتكىزۋمەن اينالىسقان.
ونىڭ تۇرعىلىقتى جەرى بويىنشا ءتىنتۋ جۇرگىزۋ بارىسىندا ۇيىنەن جالپى سالماعى 10 گرامم گەروين تابىلىپ، تاركىلەندى. جەدەل-ىزدەستىرۋ شارالارى جامبىل وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسى قىزمەتكەرلەرىنىڭ قر ۇلتتىق ۇلانىنىڭ 5513 اسكەري ءبولىمىنىڭ “بۇركىت” ارنايى ماقساتتاعى بولىنىسىمەن بىرلەسە “قاراسورا-2022” رەسپۋبليكالىق ءىس-شاراسى اياسىندا وتكىزىلدى.
ۇستالعان ازامات ءوز كىناسىن مويىنداپ، ۋاقىتشا ۇستاۋ يزولياتورىنا قاماققا الىندى.
– قازىرگى ۋاقىتتا اتالعان دەرەككە قاتىستى قازاقستان رەسپۋبليكاسى قىلمىستىق كودەكسىنىڭ 297-بابى 3-بولىگى بويىنشا (ەسىرتكى زاتتارىن وتكىزۋ ماقساتىندا اسا ءىرى مولشەردە زاڭسىز ساقتاۋ) سوتقا دەيىنگى تەرگەۋ امالدارى باستالدى. قازىرگى تاڭدا وسى قىلمىسقا قاتىسى بار باسقا دا تۇلعالاردى انىقتاۋعا باعىتتالعان بىرقاتار تەرگەۋ جۇمىستارى جۇرگىزىلۋدە. اتالعان باپقا سايكەس كۇدىكتى 15 جىلعا دەيىنگى مەرزىمگە باس بوستاندىعىنان ايىرىلۋى مۇمكىن، – دەپ حابارلادى جامبىل وبلىسىنىڭ پوليتسيا دەپارتامەنتى ەسىرتكى قىلمىسىنا قارسى ءىس-قيمىل باسقارماسىنىڭ باستىعى اسقار جۇمابەكوۆ.
