قىلمىستى اشۋدا تىڭ تاسىلدەر قولدانىلۋدا

1290
Adyrna.kz Telegram

جىل باسىنان بەرگى 7 ايدا جامبىل وبلىسى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە 2 940 قىلمىس تىركەلىپ، سونىڭ 1 793-ءى ياعني، 61 پايىزىندا كريميناليستەر وقيعا ورنىن قاراۋعا قاتىناسقان. بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگ بارىسىندا وبلىستىق پوليتسيا دەپارتامەنتى جەدەل-كريميناليستيكالىق باسقارماسىنىڭ باستىعى، پوليتسيا پودپولكوۆنيگى بەرىك سالەموۆ ايتتى. ونىڭ سوزىنشە، 1075 قىلمىسقا قاتىستى ىزدەر مەن ايعاق زاتتار الىنعان.

– جەدەل-كريميناليستيكالىق قىزمەتتىڭ نەگىزگى مىندەتى – وقيعا ورنىندا ايعاق زاتتاردى انىقتاۋ، الۋ جانە قىلمىستى جەدەل تۇردە كريميناليستيكالىق ەسەپتەرمەن اشۋ بولىپ تابىلادى. اتالعان جۇمىستاردىڭ ناتيجەسىندە وقيعا بولعان جەردەن تاركىلەنگەن قول ىزدەرى ارقىلى 61 كۇدىكتى ۇستالىپ، 61 قىلمىس دەرەكتەرى بويىنشا ولار كىناسىن مويىنداعان. ماسەلەن، بيىل ورىن العان بىرنەشە پاتەر ۇرلىعىن جاساعان كۇدىكتىلەردى جەدەل تۇردە انىقتاۋدا باسقارما قىزمەتكەرلەرىنىڭ جۇمىسى ايتارلىقتاي ءوز سەپتىگىن تيگىزدى، – دەدى بەرىك جاقسىلىقۇلى.

بريفينگ بارىسىندا جەدەل-كريميناليستيكالىق قىزمەتىنە زامان تالابىنا ساي جاڭا وزگەرىستەر دە ەنگىزىلىپ جاتقاندىعى دا تىلگە تيەك ەتىلدى. اتاپ ايتقاندا، 15 تامىزدان باستاپ وبلىس اۋماعىندا كوپ فۋنكتسيالى جەدەل تۇردە اقپاراتتار الۋعا ىڭعايلى «IDEMIA» ورتالىقتاندىرىلعان باعدارلاماسى ورناتىلعان. باعدارلاما ارقىلى ازاماتتاردىڭ ساۋساق ىزدەرىن ەلەكتروندى فورماتتا الىپ، ونىڭ ساپاسىنا قاراماستان وتە از ۋاقىتتا ىزدەۋگە ءارى وڭدى ناتيجە شىعارۋعا مۇمكىندىك تۋىپ وتىر ەكەن.

پىكىرلەر