Jyl basynan bergi 7 aıda Jambyl oblysy boıynsha sotqa deıingi tergep-tekserýdiń biryńǵaı tizilimine 2 940 qylmys tirkelip, sonyń 1 793-i ıaǵnı, 61 paıyzynda krımınalıster oqıǵa ornyn qaraýǵa qatynasqan. Bul týraly óńirlik kommýnıkaııalar qyzmetinde ótken brıfıng barysynda oblystyq polıııa departamenti jedel-krımınalıstıkalyq basqarmasynyń bastyǵy, polıııa podpolkovnıgi Berik Sálemov aıtty. Onyń sózinshe, 1075 qylmysqa qatysty izder men aıǵaq zattar alynǵan.
– Jedel-krımınalıstıkalyq qyzmettiń negizgi mindeti – oqıǵa ornynda aıǵaq zattardy anyqtaý, alý jáne qylmysty jedel túrde krımınalıstıkalyq eseptermen ashý bolyp tabylady. Atalǵan jumystardyń nátıjesinde oqıǵa bolǵan jerden tárkilengen qol izderi arqyly 61 kúdikti ustalyp, 61 qylmys derekteri boıynsha olar kinásin moıyndaǵan. Máselen, bıyl oryn alǵan birneshe páter urlyǵyn jasaǵan kúdiktilerdi jedel túrde anyqtaýda basqarma qyzmetkerleriniń jumysy aıtarlyqtaı óz septigin tıgizdi, – dedi Berik Jaqsylyquly.
Brıfıng barysynda jedel-krımınalıstıkalyq qyzmetine zaman talabyna saı jańa ózgerister de engizilip jatqandyǵy da tilge tıek etildi. Atap aıtqanda, 15 tamyzdan bastap oblys aýmaǵynda kóp fýnkııaly jedel túrde aqparattar alýǵa yńǵaıly «IDEMIA» ortalyqtandyrylǵan baǵdarlamasy ornatylǵan. Baǵdarlama arqyly azamattardyń saýsaq izderin elektrondy formatta alyp, onyń sapasyna qaramastan óte az ýaqytta izdeýge ári ońdy nátıje shyǵarýǵa múmkindik týyp otyr eken.
