جامبىل وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىمەن تاراز قالاسىندا ەسىرتكى تاراتقان 25 جانە 19 جاستاعى ەكى جەرگىلىكتى تۇرعىن ۇستالدى.
ءتىنتۋ جۇرگىزۋ بارىسىندا كۇدىكتىلەردەن تاراتۋعا دايىندالعان، 15 تۇيىنشەككە ورالعان مەفەدرون تاركىلەندى. ولاردىڭ الەۋمەتتىك جەلىدەگى جازبالارىن زەردەلەۋ بارىسىندا ۇستالعانعا دەيىن ەسىرتكىنى جاسىرعانى انىقتالدى. پوليتسەيلەر ەسىرتكىنىڭ ارى قاراي تارالماۋى ءۇشىن جاسىرىلعان ورىنداردى تاۋىپ، جويۋ بويىنشا شۇعىل شارالار قابىلدادى.
“كليەنتتەرمەن” حات الماسۋدا كورسەتىلگەن ورىندار، ياعني تاراز قالاسى مەن قالا ماڭىنداعى بەلگىلەر پوليتسيا قىزمەتكەرلەرىنىڭ قىراعىلىعىمەن التى ساعاتتىڭ ىشىندە جويىلدى. ەسىرتكى جاسىرۋ ورىندارىن ىزدەۋ ءتۇن ورتاسىنا دەيىن جالعاستى. ناتيجەسىندە، مەفەدروننىڭ 29 جاسىرىلعان ورنى انىقتالىپ، ايعاق زات رەتىندە ىسكە تىركەلدى.
ەسىرتكى ساتۋشىلاردى ۇستاۋ ناتيجەسىندە مەفەدرون ەسىرتكى زاتى سالىنعان 44 تۇيىنشەك تاركىلەنىپ، ولاردىڭ جالپى سالماعى 26 گرامدى قۇرادى. جامبىل وبلىسى پد ەسىرتكى قىلمىسىنا قارسى ءىس-قيمىل باسقارماسى باستىعىنىڭ ورىنباسارى دىنمۇحامبەت قويتوريەۆتىڭ ايتۋىنشا، 15 جىلعا دەيىن باس بوستاندىعىنان ايىرۋ جازاسىن كوزدەيتىن مەفەدروننىڭ اسا ءىرى مولشەرى بار بولعانى 1 گرامدى قۇرايدى.
كۇدىكتىلەر كىناسىن مويىنداپ، تاراز قالاسىنداعى ۋاقىتشا ۇستاۋ يزولياتورىنا قاماۋعا الىندى.
