وبلىس اكىمى ۇزدىك ستۋدەنت-جاستارعا ديپلوم تاپسىردى

1870
Adyrna.kz Telegram

جامبىل وبلىسىنىڭ اكىمى نۇرجان نۇرجىگىتوۆ حالىقارالىق تاراز يننوۆاتسيالىق ينستيتۋتىنىڭ ءبىتىرۋشى تۇلەكتەرگە ارنالعان «ديپلوم تاپسىرۋ-2022» سالتاناتتى كەشكە قاتىستى.

ايماق باسشىسى تۇلەكتەردى ماڭىزدى ساتپەن قۇتتىقتاپ، الداعى ومىرلەرىنە ساتتىلىك تىلەدى.

- بۇل كۇن – ءار تۇلەكتىڭ ومىرىندە ماڭىزدى ورىن الاتىن، كەلەشەك قادامدارىڭا تىڭ سەرپىلىس، جاڭا ءۇمىت سىيلايتىن كۇن!

سەندەردىڭ ۇلكەن ومىرگە قانات قاعىپ وتىرعان وسى ءسات ەلىمىزدىڭ جاڭا باستامالارىمەن، جاڭا بەتبۇرىس كەزەڭىمەن سايكەس كەلىپ وتىر. سوندىقتان، ەلدىڭ ەرتەڭگى بولاشاعى رەتىندە جاستارعا ۇلكەن ءۇمىت ارتىلادى.

جاس تۇلەك رەتىندە مەملەكەتىمىزدىڭ تۇعىرىن بيىك، ەڭسەسىن تىك ەتەتىندەرىڭە كامىل سەنەمىز.

ءبىلىم، تاربيە، ەڭبەك سىندى ءۇش قاسيەتكە ارقا سۇيەگەن مامان عانا ەلدىڭ دامۋىنا ۇلەس قوسىپ، ناتيجەگە قول جەتكىزە الادى،-دەي كەلە نۇرجان نۇرجىگىتوۆ باسەكەگە قابىلەتتى بىلىكتى ماماندار دايارلاۋدا حالىقارالىق تاراز يننوۆاتسيالىق ينستيتۋتى ۇلكەن شارۋالار اتقارىپ جاتقاندىعىن اتاپ ءوتتى.

سوڭعى جىلدارى ينستيتۋتتا ستۋدەنتتەرگە قولايلى جاعداي جاساۋ ماقساتىندا 500 ورىندىق جاڭا ستۋدەنتتىك جاتاقحانا، «OPEN SPACE» (وۋپەن سپەيس) فورماتىنداعى كىتاپحانا، ستۋدەنتتەردىڭ شىعارماشىلىق ورتالىعى، «قىسقى باق» كەشەنى، زاماناۋي ۇلگىدەگى اكۆاكۋلتۋرا اشىلعان. بيىل بۇل جوعارعى وقۋ ورداسى 100 ورىنعا گرانت ءبولىپ وتىر.

اعىمداعى جىلى وسى ينستيتۋتتان 3 مىڭعا جۋىق ستۋدەنت ديپلوم الۋدا. وتكەن وقۋ جىلىندا ينستيتۋت تۇلەكتەرىنىڭ 70 پايىزى جۇمىسپەن قامتىلعان.

تۇلەكتەردىڭ قادامىنا قۇت تىلەگەن وبلىس اكىمى بىرقاتار ماگيسترانتتارعا «ماگيستر» اكادەميالىق بىلىكتىلىگى جانە تاعايىندالعان ۇلگىدەگى ديپلومداردى تاپسىردى.​

مۇنداي سالتاناتتى راسىمگە وبلىستىق ءماسليحاتىنىڭ حاتشىسى ماحمەتعالي  سارىبەكوۆ، وبلىستىق سوتتىڭ توراعاسى ەربول احمەتجانوۆ، تاراز قالالىق ءماسليحاتىنىڭ حاتشىسى باتىربەك قۇلەكەەۆ، وبلىستىق «اتامەكەن» ۇلتتىق كاسىپكەرلەر پالاتاسىنىڭ ديرەكتورى ەركىن اتىمتاەۆ قاتىستى.

كەشتە جوو ماقتانىشتارى ماراپاتتالىپ، ۇزدىك جانە بەلسەندى تۇلەكتەر ءسوز الىپ، وي اسەرلەرىمەن ءبولىسىپ، ينستيتۋت باسشىلىعى مەن ۇستازدارعا ريزاشىلىعىن جەتكىزدى.

پىكىرلەر