Jambyl oblysynyń ákimi Nurjan Nurjigitov Halyqaralyq Taraz ınnovaııalyq ınstıtýtynyń bitirýshi túlekterge arnalǵan «Dıplom tapsyrý-2022» saltanatty keshke qatysty.
Aımaq basshysy túlekterdi mańyzdy sátpen quttyqtap, aldaǵy ómirlerine sáttilik tiledi.
- Bul kún – ár túlektiń ómirinde mańyzdy oryn alatyn, keleshek qadamdaryńa tyń serpilis, jańa úmit syılaıtyn kún!
Senderdiń úlken ómirge qanat qaǵyp otyrǵan osy sát elimizdiń jańa bastamalarymen, jańa betburys kezeńimen sáıkes kelip otyr. Sondyqtan, eldiń erteńgi bolashaǵy retinde jastarǵa úlken úmit artylady.
Jas túlek retinde memleketimizdiń tuǵyryn bıik, eńsesin tik etetinderińe kámil senemiz.
Bilim, tárbıe, eńbek syndy úsh qasıetke arqa súıegen maman ǵana eldiń damýyna úles qosyp, nátıjege qol jetkize alady,-deı kele Nurjan Nurjigitov básekege qabiletti bilikti mamandar daıarlaýda Halyqaralyq Taraz ınnovaııalyq ınstıtýty úlken sharýalar atqaryp jatqandyǵyn atap ótti.
Sońǵy jyldary ınstıtýtta stýdentterge qolaıly jaǵdaı jasaý maqsatynda 500 oryndyq jańa stýdenttik jataqhana, «OPEN SPACE» (oýpen speıs) formatyndaǵy kitaphana, Stýdentterdiń shyǵarmashylyq ortalyǵy, «Qysqy baq» kesheni, zamanaýı úlgidegi akvakýltýra ashylǵan. Bıyl bul joǵarǵy oqý ordasy 100 orynǵa grant bólip otyr.
Aǵymdaǵy jyly osy ınstıtýttan 3 myńǵa jýyq stýdent dıplom alýda. Ótken oqý jylynda ınstıtýt túlekteriniń 70 paıyzy jumyspen qamtylǵan.
Túlekterdiń qadamyna qut tilegen oblys ákimi birqatar magıstranttarǵa «magıstr» akademııalyq biliktiligi jáne taǵaıyndalǵan úlgidegi dıplomdardy tapsyrdy.
Mundaı saltanatty rásimge oblystyq máslıhatynyń hatshysy Mahmetǵalı Sarybekov, oblystyq sottyń tóraǵasy Erbol Ahmetjanov, Taraz qalalyq máslıhatynyń hatshysy Batyrbek Qulekeev, oblystyq «Atameken» ulttyq kásipkerler palatasynyń dırektory Erkin Atymtaev qatysty.
Keshte JOO maqtanyshtary marapattalyp, úzdik jáne belsendi túlekter sóz alyp, oı áserlerimen bólisip, ınstıtýt basshylyǵy men ustazdarǵa rızashylyǵyn jetkizdi.
