شىعىس قاقاستاندا ءتىلسىز جاۋمەن كۇرەس جالعاسۋدا

شىعىس قازاقستان وبلىسىنىڭ  بىرنەشە اۋدانىندا ءىرپى دالا ءورتى ورىن الدى، دەپ حابارلايدى  « ادىرنا» ءتىلشىسى.

وڭىرلىك  توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك، كۇرشىم اۋدانىندا دالا ءورتىنىڭ اۋماعى 1300 گەكتاردى قۇراپ وتىر.

الايدا، جاقىن ورنالاسقان ەلدى مەكەندەرگە ءتونىپ تۇرعان قاۋىپ جوق.

ءورتتى سوندىرۋگە بارلىعى 270-كە جۋىق ادام مەن 34 تەحنيكا جۇمىلدىرىلعان.

«التاي اۋدانى «زىريان» ورمان شارۋاشىلىعى جانە «بىكوۆ» ورمانشىلىعىن شارپىعان قىزىل جالىننىڭ جالپى اۋدانى 800 گەكتارعا جەتىپ وتىر. سۋاعار قۇرىلعىسى بار مي-8 تىكۇشاعى تارتىلعان. اۋەدەن 12 توننادان استام سۋ توگىلدى. بۇگىن ءورت ورنىنا قر قورعانىس مينيسترلىگىنىڭ مي-17 تىكۇشاعى مەن سەمەي قالاسىنداعى №68303 اسكەري ءبولىمىنىڭ قىزمەتكەرلەرى كومەككە كەلمەك»، - دەلىنگەن اقپاراتتا.

بۇدان بولەك، كاتونقاراعاي اۋدانى التىنبەل اۋىلىنان 12 شاقىرىم جەردە «ۇلكەن نارىن» ورمان شارۋاشىلىعىندا بۇتا مەن ءشوپ جانىپ جاتىر. الدىن الا دەرەك بويىنشا وتتىڭ جالپى اۋدانى – 1200 گەكتار. ءتىلسىز جاۋمەن كۇرەسكە 280-نەن استام ادام مەن 24 تەحنيكا تارتىلدى. ءورت ورنىندا جەدەل شتاب قۇرىلدى.