استانا اتاۋىن قايتارۋعا قانشا قارجى جۇمسالادى؟

1231
Adyrna.kz Telegram

استانا اتاۋىن قايتارۋ تۋرالى دەپۋتاتتاردىڭ ۇسىنىسى مەملەكەت باسشىسىنىڭ كەلىسىمىمەن كونستيتۋتسيالىق زاڭ جوباسىنا ەنگىزىلگەنى جونىندە حابارلاندى. وسى ورايدا Halyq Uni ءتىلشىسى نۇر-سۇلتان قالاسى اكىمدىگىنە استانا قالاسىنىڭ اتاۋىن نۇر-سۇلتان دەپ وزگەرتۋگە جانە قۇجاتتاۋعا، اۋىستىرۋعا بارلىعى قانشا قارجى جۇمسالعاندىعىن سۇراپ رەسمي ساۋال جولدادى، دەپ حابارلايدى “ادىرنا” ۇلتتىق پورتالى.

اكىمنىڭ ءباسپاسوز قىزمەتىنىڭ حابارلاۋىنشا، ەلوردانىڭ اتاۋىن وزگەرتۋگە قاراجات تەك ماڭدايشالار مەن مورلەردى، پوليگرافيالىق قىزمەتتەردى جاڭارتۋعا جۇمسالعان.

«2019 جىلى اكىمدىك تاراپىنان ەلوردانىڭ اتاۋىن وزگەرتۋگە قاراجات تەك ماڭدايشالار مەن مورلەردى، پوليگرافيالىق قىزمەتتەردى جاڭارتۋعا باعىتتالدى.  قالا بويىنشا جالپى سوما شامامەن 30 ملن تەڭگەنى قۇرادى. ايتا كەتۋ كەرەك، ەلەكتروندىق قۇجات اينالىمىنا كوشۋ مەملەكەتتىك ورگانداردىڭ بلانكىلەرىنە قوسىمشا شىعىنداردى قاجەت ەتپەيدى، ويتكەنى اقپاراتتىق دەرەكقورلارعا ءتيىستى وزگەرىستەر ەنگىزىلدى»، دەلىنگەن رەسمي جاۋاپتا.

ەسكە سالايىق، 2019 جىلى استانا اتاۋى اۋىسقان تۇستا تاۋەلسىز ساراپشى ەلوردا اتاۋىن وزگەرتۋگە 47 ملرد تەڭگە (نەمەسە 125 ملن دوللار) شىعىن كەتۋى مۇمكىن دەگەن پىكىر ايتقان بولاتىن.

«ەلوردانىڭ اتىن وزگەرتۋ ارزان ەمەس، نەگىزگى شىعىندار بيۋدجەت ەسەبىنەن جابىلادى. نەگىزگى شىعىس باعىتتارى: ازاماتتار ءۇشىن جاڭا قۇجاتتاردى باسىپ شىعارۋ – شامامەن 80 ملن دوللار (3 ملرد تەڭگە); جاڭا بەلگىلەر مەن بەلگىلەردى ءوندىرۋ – شامامەن 25 ملن دوللار (9,5 ملرد تەڭگە); جاڭا كارتالاردى ءوندىرۋ – شامامەن 5 ملن دوللاردى (1,9 ملرد تەڭگە) قۇرايدى، – دەگەن ساراپشى الەكساندر رازۋۆاەۆ.

ايتا كەتەلىك، ەلوردا ءماسليحاتى 15 قىركۇيەك كۇنى استانا اتاۋىن وزگەرتۋ ماسەلەسىن جۇرتشىلىقپەن تالقىلايدى.

“ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket