ء"دىننىڭ اتىن جامىلعان ەكىجۇزدى ناپسىقۇمارلار جاس قىزداردىڭ ومىرلەرىن قۇرتىپ جاتىر". بۇل پىكىردى قوعام بەلسەندىسى قۇرال سەيىتحانۇلى ءوزىنىڭ فەيسبۋك پاراقشاسىندا قالدىردى، دەپ جازادى "ادىرنا" ۇلتتىق پورتالى.
ء"تىپتى قالاي باستارىمدى بىلمەي وتىرمىن. يسلامدى جامىلىپ قىزداردى وراندىرىپ، ناماز وقىتىپ، نەكەلىككە الىپ، كەيىن تالاق بەرىپ تاستاپ كەتۋ كوبەيگەن. بىرنەشە قىز جىلاپ كومەك سۇرادى مەنەن. زاڭمەن قانداي دا ءبىر شارا قولدانا الا ما؟ ءبىر قىز ءومىرىمدى قۇرتقان ناماز بەن ورامال دەپ جاينامازىن ورتەپ، ورامالىن جىرتقان. ومىردەن تۇڭىلگەن". ۆاتساپقا جەكەمە وسىلاي دەپ جازىپ كومەك سۇراپ وتىر. سۇمدىق قوي مىناۋ ەندى. قايدا بارا جاتىرمىز؟ ءدىننىڭ اتىن جامىلعان ەكىجۇزدى ناپسىقۇمارلار جاس قىزداردىڭ ومىرلەرىن قۇرتىپ جاتىر. قازىر ءبىزدىڭ ەلدە ءدىن ۇستاناتىن جاماعاتتىڭ 90% استامى قازاقتىڭ ءداستۇر تانىمىنا مۇلدەم جات ءدىننىڭ جەتەگىندە كەتكەندەر. ايتپەسە ءبىز دە كونەكوز قاريالاردىڭ ءدىني تاربيەسىندە وستىك. بىراق مىناداي ەكىجۇزدى ءدىن كورگەن ەمەسپىز. وسى ماسەلەنى ەڭ العاش كوتەرگەن يسماتۋللا ماقسۇم مەن سايات ىبىراي اعالارىمىز 10-10 جىلدان تۇرمەگە قامالىپ شىقتى عوي. ءبىز سول كەزدە تۇسىنبەپپىز دە عوي بۇل ازاماتتاردىڭ قانداي سايتاندارمەن الىسىپ جاتقانىن. قازىر ەندى ق.توقاەۆ باستاعان بيلىك بۇل ازاماتتاردى اقتاپ، مىناۋ ەكىجۇزدى ۋاھابتاردى توقتاتۋى كەرەك. ايتپەسە بۇل ناپسىقۇمار دىنشىلدەر تالاي قىزداردىڭ ومىرلەرىن قۇرتادى", - دەپ جازدى ول.
"ادىرنا" ۇلتتىق پورتالى
