"Dınnıŋ atyn jamylǧan ekıjüzdı näpsıqūmarlar jas qyzdardyŋ ömırlerın qūrtyp jatyr". Būl pıkırdı qoǧam belsendısı Qūral Seiıthanūly özınıŋ feisbuk paraqşasynda qaldyrdy, dep jazady "Adyrna" ūlttyq portaly.
"Tıptı qalai bastarymdy bılmei otyrmyn. İslamdy jamylyp qyzdardy orandyryp, namaz oqytyp, nekelıkke alyp, keiın talaq berıp tastap ketu köbeigen. Bırneşe qyz jylap kömek sūrady menen. Zaŋmen qandai da bır şara qoldana ala ma? Bır qyz ömırımdı qūrtqan namaz ben oramal dep jainamazyn örtep, oramalyn jyrtqan. Ömırden tüŋılgen". Vasapqa jekeme osylai dep jazyp kömek sūrap otyr. Sūmdyq qoi mynau endı. Qaida bara jatyrmyz? Dınnıŋ atyn jamylǧan ekıjüzdı näpsıqūmarlar jas qyzdardyŋ ömırlerın qūrtyp jatyr. Qazır bızdıŋ elde dın ūstanatyn jamaǧattyŋ 90% astamy qazaqtyŋ dästür tanymyna müldem jat dınnıŋ jetegınde ketkender. Äitpese bız de köneköz qariialardyŋ dıni tärbiesınde östık. Bıraq mynadai ekıjüzdı dın körgen emespız. Osy mäselenı eŋ alǧaş kötergen İsmatulla Maqsūm men Saiat Ybyrai aǧalarymyz 10-10 jyldan türmege qamalyp şyqty ǧoi. Bız sol kezde tüsınbeppız de ǧoi būl azamattardyŋ qandai saitandarmen alysyp jatqanyn. Qazır endı Q.Toqaev bastaǧan bilık būl azamattardy aqtap, mynau ekıjüzdı uahabtardy toqtatuy kerek. Äitpese būl näpsıqūmar dınşılder talai qyzdardyŋ ömırlerın qūrtady", - dep jazdy ol.
"Adyrna" ūlttyq portaly
