قۇقىق قورعاۋشى، قوعام بەلسەندىسى ايگۇل ورىنبەك ءوزىنىڭ فەيسبۋك پاراقشاسىندا ريم پاپاسىنىڭ قازاق ەلىنە ساپارىن سىناعان ازاماتتارعا قاراتا ءوز پىكىرىن ءبىلدىردى. ازاماتتىق قوعامنىڭ ۇستانىمدارىن جاقتايتىن قوعام بەلسەندىسى ەل تۇرعىندارىن وركەنيەت كوشىنەن قالىس قالماي، ادامزاتتىق ساناعا ۇمتىلۋعا شاقىرادى.
- ريم پاپاسىن مازاققا اينالدىرىپ وتىرعانداردى وقىپ، ءبىز وركەنيەتتى ەلدەردىڭ قاتارىنا جاقىن كۇندەرى كىرمەيتىنىمىزگە كوزىم جەتتى. اۋىلداعى كۇيبەڭ تىرشىلىكپەن جۇرگەندەر جازىپ جاتسا مەيلى عوي، ەل الدىندا اجەپتەۋىر ابىرويى بار جىگىتتەر كۇندەپ وتىرعانى جارامادى. قاي مۇسىلماندى كوردىڭدەر ءولىمدى ، سوعىستى توقتاتۋ ءۇشىن، وسىلاي ءبىر باسشىسىنىڭ كەلىپ اياعىن سۇيگەن؟! بەيبىتشىلىك سيمۆولىنا اينالعان ريمدىك اكەيدى وسى ءۇشىن قاتتى قۇرمەتتەيمىن. ءجاي عانا ءۇش ءتورت كۇن بولعان قاڭتار وقيعاسىندا قىرىلىپ كەتە جازدادىق. ال ون جىل بويى سۋدانداعى ازاماتتىق سوعىس 100 مىڭنان استام بەيبىت ادامداردىڭ ءومىرىن قيدى. ريم اكەي 2019 جىلى ارنايى سۋدانعا كەلىپ، سالۆا كيرانىڭ اياعىن سوعىستى توقتاتشى دەپ سۇيگەنىن كوپ جاستار بىلە بەرمەيدى.
قايتا بۇنداي جيىنداردىڭ ماقساتىن جاستارعا ءتۇسىندىرىپ وتىرۋىمىز كەرەك!
جان-جانعامىز سوعىس وتىنا تۇتانىپ، ىرگەلەس كورشىلەرىمىز قىرعي قاباق سوعىسىپ جاتقاندا بىزدىكى نە تالپىشتىك جىگىتتەر؟!
قايتا قۋانبايمىز با؟
ءبىزدىڭ ەل بۇكىل ءدىن وكىلدەرىنىڭ باسىن قوسىپ بەيبىتشىلىككە شاقىرىپ جاتقانىنا ماقتانبايمىز با؟
سوعىس - بۇل ۇلكەن قاسىرەت!
وزگە ەلدە جان ساۋعالاپ قاشىپ جۇرگەن ۋكرايندىق تار بىزگە قىزعانا قارايدى.
“بەيبىت ەلدە، سەندەر سياقتى ءوز ۇيىمىزدە،ءوز جەرىمىزدە تۇرعانعا نە جەتسىن؟!”،- دەپ جىلاپ وتىر.
بەيبىتشىلىكتىڭ قادىرىن بىلەيىك جىگىتتەر!
ءبىر كۇندىك ءازىل قالجىڭمەن وتان قورعالمايدى!
كەز كەلگەن دۇنيەنى تەرەڭىرەك ويلاناتىن ۋاقىت كەلدى! - دەپ جازادى ايگۇل ورىنبەك.
