باتىس قازاقستان وبلىسىنىڭ اقجايىق اۋدانى چاپاەۆ اۋىلىندا م.اۋەزوۆ اتىنداعى ورتا مەكتەپتە «جاستار باستامالارىن قولداۋ بويىنشا الەۋمەتتىك قىزمەت» (قازاقستان جاستارىن الەۋمەتتەندىرۋ جانە دامىتۋ بويىنشا جالپىۇلتتىق جوبانىڭ II كەزەڭى)» جوباسى بويىنشا العاشقى سەمينار ءوتتى.
جاستار رەسۋرستىق ورتالىعى، اۋداندىق ءبىلىم بەرۋ ءبولىمىنىڭ ماماندارى، مەكتەپ ۇستازدارى قاتىسقان شارا 43 اداممەن قامتىلدى. سەمينار بارىسىندا جوبانىڭ ماقساتى، نىساناسى، جۇزەگە اسىرىلۋ ءتاسىلدەرى تۋرالى ءدارىس تىڭداعان قاتىسۋشىلارعا ارنايى سەرتيفيكاتتار تابىس ەتىلدى.
اۋداندىق ءبىلىم بەرۋ ءبولىمىنىڭ تاربيە ءىسى بويىنشا ادىسكەرى ءاليا قابدوللاقىزى ساپارعاليەۆا اقجايىق اۋدانى بويىنشا جوبانى جۇزەگە اسىرۋعا جاۋاپتى مامان بولىپ بەكىتىلدى.
بۇل جوبا قر قوعامدىق دامۋ مينيسترلىگى مەن "ازاماتتىق باستامالاردى قولداۋ ورتالىعىنىڭ" تاپسىرىسى اياسىندا "ادىرنا" ۇلتتىق-ەتنوگرافيالىق بىرلەستىگى تاراپىنان جۇزەگە اسىرىلىپ جاتقاندىعىن ەستەرىڭىزگە سالا كەتكىمىز كەلەدى.
ارمان سەرىكۇلى،
"ادىرنا" ۇلتتىق-ەتنوگرافيالىق بىرلەستىگىنىڭ ديرەكتورى
