اباي اتامىزدىڭ ءانىن قورلادىڭدار - رامازان ستامعازيەۆ

1866
Adyrna.kz Telegram

قالا كۇنىنە وراي الماتىدا وتكەن ءۇش كۇندىك ءىس-شارانىڭ بىرىندە ابايدىڭ "بويى بۇلعاڭ" ءانىن شىرقاعان جاس انشىلەر جۇرتتىڭ اشۋىن تۋعىزدى. كەڭ تىنىستى اباي ءانىنىڭ  ورىندالۋىنا كوڭىلى تولماعاندار قاتارىندا كاسىبي ونەر مايتالماندارى دا بار، دەپ جازادى "ادىرنا" ۇلتتىق پورتالى.

قازاقستاننىڭ ەڭبەك سىڭىرگەن ءارتىسى رامازان ستامعازيەۆ ءان ۆيدەوسىن ءوز پاراقشاسىندا ءبولىسىپ:

الماتىنىڭ قاق ورتاسىندا مىنا ماڭقالار اباي اتامىزدىڭ "بويى بۇلعاڭ" ءانىن ورىنداپ ساحناعا شىقتى. جاڭا قازاقستاننىڭ جۇلدىزدارى. نەتكەن ارسىزدىق، وسىلاردى قولداپ، قالىڭ ەلدىڭ الدىنا شىعارعان كىم؟ مىنالاردان نە ۇقتى ەكەن كورگەن، ەستىگەن ادامدار؟ مادەنيەت باسقارماسى، جاۋاپتى ادامدار قايدا؟ - دەپ جازدى.

ءاننىڭ ناقىشىنا كەلتىرىپ ورىندالماعانىنا رەنىش بىلدىرگەندەردىڭ قاراسى قالىڭ.

"بەيبىت ەلدە ءسان بولەك، بۇلىنگەن ەلدە ءان بولەك (تولە بي)",  "قۇلدىراپ بارا جاتقان قايران ۋاقىت. ماسقارا، قايدا كەتىپ بارامىز. بولاشاعىمىز نە بولماق؟", ء"بارى ساتىلاتىن بولعان: ار، مانساپ. تەك حالىقتىڭ پىكىرىن ساتىپ الا الماس" دەپ جازدى وقىرماندار.

 

پىكىرلەر