پرەزيدەنت قاسىم-جومارت توقاەۆ سايلاۋ تسيكلىنىڭ قورىتىندىسى بويىنشا قازاقستاننىڭ بۇكىل ساياسي جۇيەسىن تۇبەگەيلى قايتا جۇكتەۋ جۇزەگە اسىرىلاتىنىن ايتتى. بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
مەملەكەت باسشىسى سوڭعى ءۇش جىلدا جۇرگىزىلگەن رەفورمالار مەن كونستيتۋتسيالىق رەفورما ەلىمىزدەگى مەملەكەتتىك جانە ساياسي قۇرىلىمنىڭ جاڭا ۇلگىسىن قالىپتاستىرعانىن اتاپ ءوتتى.
"سوندىقتان مەن جولداۋدا سايلاۋ تسيكلىنىڭ بارلىق كەستەسىن اشىق ايتتىم. وسىلايشا، بارلىق نەگىزگى مەملەكەتتىك ينستيتۋتتار كەزەڭ-كەزەڭىمەن قايتا ىسكە قوسىلادى: پرەزيدەنت، پارلامەنت، ۇكىمەت، ءماسليحاتتار", - دەدى قاسىم-جومارت توقاەۆ قازاقستان حالقىنا جولداۋىندا.
سونداي-اق، ول بۇل باستامانىڭ جاريالانعانىنا ءبىر ايعا جۋىق ۋاقىت وتكەنىن، وسى ۋاقىت بارلىق ماسەلەلەردى اسىقپاي تالقىلاۋعا جانە باعالاۋعا جەتكىلىكتى بولعانىن باسا ايتتى.
"قوعام ءبىزدىڭ ساياسي جۇيەنى وزگەرتۋ جونىندەگى جوسپارلارىمىزدىڭ قيسىنى مەن كەلەشەگىن ناقتى ءتۇسىندى. سوندىقتان بۇرىن جاريالانعان سايلاۋ كەستەسىنە سايكەس جانە ەلىمىزدىڭ كونستيتۋتسياسىنا سايكەس 20 قاراشادا قازاقستاندا كەزەكتەن تىس پرەزيدەنت سايلاۋى وتەدى.
بۇل سايلاۋ بۇكىل ساياسي جۇيەنى تۇبەگەيلى قالپىنا كەلتىرۋەتىن سايلاۋ تسيكلىن باستايدى»، - دەپ قوستى ول.
مەملەكەت باسشىسىنىڭ ايتۋىنشا، بۇل بولاشاقتا تۇراقتى ەكونوميكالىق ءوسۋدى قامتاماسىز ەتۋ، ازاماتتاردىڭ ءال-اۋقاتى مەن ءومىر ءسۇرۋ ساپاسىن ارتتىرۋ جونىندەگى ۇزاق مەرزىمدى مىندەتتەردى شەشۋگە جۇمىلۋعا مۇمكىندىك بەرەدى.
”ادىرنا” ۇلتتىق پورتالى
