الماتى قالاسىنىڭ قوعامدىق كەڭەس مۇشەلەرى اقپارات جانە قوعامدىق دامۋ ۆيتسە-مينيسترىمەن كەزدەستى، دەپ حابارلايدى "ادىرنا" ءتىلشىسى.
ۆەدومستۆو وكىلىنىڭ ايتۋىنشا، 14 قازان كۇنى قوعامدىق كەڭەستەردىڭ ءۇشىنشى رەسپۋبليكالىق ءماجىلىسى وتەدى. وسىعان بايلانىستى بۇگىن جيىندا كەڭەس قىزمەتىنىڭ باسىم باعىتتارى مەن الداعى جۇمىس جوسپارى تالقىلاندى. ال كۇن تارتىبىندەگى تۇيتكىلدەردى مينيسترلىك باستى نازارعا الماق. كەيىن كەڭەس مۇشەلەرى اتالعان ماسەلەلەر بويىنشا پرەزيدەنت الدىندا ەسەپ بەرىپ، ونى ءتيىمدى شەشۋ جولدارىن ۇسىنباق. سونداي-اق جيىن بارىسىندا الداعى سايلاۋالدى ناۋقاندى وتكىزۋ ءتارتىبى قاراستىرىلدى.
«ءبىز ەلىمىز ءۇشىن حالىقتىڭ ءۇنىن ەسكەرە بىلەتىن مىقتى مامان بولۋىمىز قاجەت. ياعني، قوعامدى دامىتۋعا بار كۇشىمىزدى سالۋ – مىندەتىمىز. سوندىقتان ءبىز بارىنشا اشىق بولىپ، قوردالانعان تۇيتكىلدەردى حالىقپەن بىرلەسە وتىرىپ، قۇجاتتارعا سۇيەنە وتىرىپ شەشۋىمىز كەرەك»، – دەدى قالالىق قوعامدىق كەڭەستىڭ مۇشەسى بەكنۇر قيسىقوۆ.
كەزدەسۋ بارىسىندا الدا كەلە جاتقان قر پرەزيدەنتىن سايلاۋعا بايلانىستى سايلاۋالدى قانداي جۇمىستار ءجۇرۋ كەرەك دەگەن سياقتى ماسەلەلەر تالقىلاندى. ال نەگىزگى كەزدەسۋدىڭ باستى قاعيداسى – الماتى قالاسىنداعى، جالپى قازاقستانداعى قوعامدىق كەڭەستەردىڭ جۇمىسىن ءبىرشاما جانداندىرۋ بولدى.
